Ema sira ne’e tur hein hodi ensi tanki oxigeniu nebe mamuk ba pasiente Covid-19 Peru, 25 Februari 2021. (Foto: Sebastian Castaneda/Reuters)
Dadus husi universidade Johns Hopkins hatudu numeru mortalidade kauza Covid-19 iha Peru sae kuaze dala tolu atinji 180.764 iha Segunda-feira (31/5) depois que nasaun ne’e halo revizaun dadus ofisiais Covid-19.
Peru mak nasaun ida husi America Latina nebe afetadu makas kona pandemiaCovid-19. Ospital sira iha nasaun ne’e, nakonu ho pasiente no oxigeniu nebe iha la sufisiente. Espesialista sira fo ona alerta katak numeru mate nian rejistu ona iha estatistika ofisiais.
Governu Peru hateten, hanesan cita husi Reuters, sei atualiza numeru mortalidade iha Domingo (30/5) rejista kuaze 69.342. Tuir governu Peru, ida ne’e akontese tamba menus teste nebe halo difisil prosesu konfirmasaun, seraque ema ne’e mate tamba Covid ou moras seluk.
“ Ami hanoin ida ne’e ami tenki informa dunik ba komunidade kona ba informasaun nebe atualizada, “ dehan Primeiru Ministru Peru Violeta Bermudez, iha nia konferensia imprensa hodi fo sai rezultadu estudu.
Iha America Latina, Brazil rejistu numeru total mortalidade kauza Covid-19 nebe a’as liu husi numeru rihun atus 450 ema nebe mate. Maibe, tuir dadus foun, numeru mortalidade iha Peru atualmente liu dala rua husi Brazil. (MF)