‘Serbi malu liu husi domin.’ ~ Galatia 5:13 NKJV

Molok ema hedi Na’i Jesus ba iha krús, Bíblia hateten katak ‘Jesus hamriik husi han kalan nian, Nia hasai Ninia roupa liur no bobar toalla ida iha Ninia kidan. Depoizde ida ne’e, Na’i Jesus fakar be’e ba iha balde ida no komesa fase Ninia díxiplu sira nia ain, no hamaran sira-nia ain uza toalla ne’ebé mak bobar hela iha Nia kidan.’ (João 13:3-5 NIV) No Na’i Jesus dehan, ‘Ha’u fó tiha ona ba imi ezemplu ida ne’ebé mak imi tenke halo hanesan Ha’u halo ba imi… Agora imi hatene ona buat sira ne’e hotu, imi sei hetan bensaun karik imi halo tuir.’ (João 13:15-17 NIV)

Ne’e lisaun ida mai ita hotu! Domin labele manifesta iha izolasaun nia laran. Nia labele manifesta liuhusi tur mesak iha televizaun nia oin ka iha ó-nia telefone nia oin. Produser múzika famozu ida ho naran Oscar Hammerstein ninia liafuan hateten katak: ‘Domin ne’e la’os domin to’o bainhira ó komesa fó domin ne’e.’ Nota katak: Jesus ‘hatudu ba sira hotu Ninia domin tomak.’ (João 13:1 NIV) Oinsá? Liuhusi bobar toalla atan ida nian. Iha ne’ebé mak ó bele halo buat ida ne’e? Iha ne’ebé de’it! Oinsá ho aban iha servisu fatin, iha gudang ka iha situs servisu nian? Ó-nia fatin servisu bele sai fatin sagradu ida iha ne’ebé Maromak nia prezensa fó bensaun ba mundu, rutina diária, tamba Na’i Maromak nia domin ne’ebé mak eziste iha ó-nia laran uza atan ida nia toalla. ‘Husik ha’u mak halo kópia sira ne’e ba ó… Ha’u sei taka ita-bo’ot nia fatin bainhira ita-bo’ot ba eskola hodi lori ita-bo’ot nia oan ninia hahán… Ita-bo’ot haree hanesan ema ne’ebé mak foin liu husi tempu ne’ebé mak difísil no ha’u mak ema rona-na’in ne’ebé mak di’ak. Karik ha’u laiha solusaun ba ita-bo’ot ninia problema sira maibé ha’u hatene Ema ida ne’ebé mak bele fó solusaun ba ita-bo’ot ninia problema sira hotu.’

Paulu ninia pontu importante mak: ‘Serbi malu liu husi domin.’ Nune’e, sai ba hodi serbi ema ruma ohin loron.  ~ SML

Hahán ba klamar: Apokalipse 10-14 ; Markus 14:1-11 ; Salmu 4 ; Proverbiu 12:25