MESSC Longuinhos dos Santos (Fontes: foto google).
Ministru Ensino Superior Siensia no Cultura Longuinhos dos Santos, iha biban enkontru kordenasaun preparativus proposta orsamentu ministeiru ensino superior nian iha orsamentu jeral Estadu tinan 2022, iha salaun konferensia hotel Novo Turizmo Sesta semana ne’e ba jornalista sira hateten, kualker entidades sé deit hakarak harí instituisaun ensino superior públiku ka privadu foun obrigatoriamente tenke priense rekejitus prinsipal lisensa operasional aplikavel.
Rekejitus hirak nebe aplika ba instituisaun foun ensino superior tantu públiku no privadu maka, tenke iha rai rasik, tenke iha rekursu umanu rasik, tenke iha kapital finanseirus rasik, tenke iha fasilidades mákina prátika, no tenke preparadu ho kuríkulu rasik.
Wainhira priense ona rekejitus hirak ne’e maka foin bele tama ba faze verifikasaun, fiskalizasaun no avaliasaun, hafoin maka tama ba despaixu lisensiamentu hodi harí instituisaun ensino superior. (AG)