‘Ema ne’ebé mak la’o ho ema matenek sei sai matenek, maibé ema beik nia kolega sei hetan naksobu.’ ~ Provérbiu 13:20 NKJV
Mai ita haree kona-ba dezenvolvimentu relasionamentu nian ne’ebé mak kesi metin hela. Maromak nia planu ba ó-nia moris presiza koneksaun ho ema ne’ebé loos – no diskoneksaun husi ema ne’ebé mak la loos. Tur iha Jesus nia sorin iha momentu han kalan ba dala ikus nian mak João, ne’ebé mak hadomi Jesus, no mós Judas ne’ebé mak sai traidor ba Jesus.
Importante tebes atu hatene sé mak tur hamutuk ho ó iha ó-nia meza! Tamba ne’e, halo orasaun: ‘Na’i Maromak, ha’u halo orasaun ba ema sira ne’ebé mak Ita haruka mai iha ha’u-nia moris no Ita-Bo’ot tau iha ha’u-nia fuan. Haraik bensaun ba relasaun ne’ebé mak di’ak, no haraik mai ha’u matenek atu hasoru difikuldade sira iha dalan ne’ebé mak tuir Ita-Bo’ot nia hakarak. Karik iha amizade balun ne’ebé mak ha’u presiza la’o sees husi amizade hirak ne’e, ida ne’ebé mak sei estraga ha’u la importa saida mak ha’u halo, hatudu mai ha’u saida mak ha’u tenke halo, no haraik mai ha’u grasa no korajen atu halo ida ne’e. Karik iha relasionamentu balun ne’ebé mak hadook ha’u no distrai ha’u husi Ita-Bo’ot nia planu, ha’u fiar katak Ita-Bo’ot sei lori relasionamentu hirak ne’e ba iha fin ka muda sira sai di’ak liu tan. No bainhira ha’u mak presiza atu muda, hatudu mai ha’u, no servisu iha ha’u-nia moris liu husi Ita-Bo’ot ninia poder ne’ebé mak bo’ot. Ha’u presiza Ita-Bo’ot nia matenek atu bele rekoñese belun sira ne’ebé mak ha’u tenke hili. Tulun ha’u atu hadook-an husi relasionamentu sira ne’ebé mak lori ha’u do’ok husi dalan ne’ebé mak Ita-Bo’ot lori ha’u. Haruka mai ha’u-nia moris ema sira ne’ebé mak matenek ho matenek Maromak nian, no tulun ami atu haraik bensaun, korajen no kontribuisaun ba kualidade moris ami ida-idak nian. Hatudu mai ha’u relasionamentu sira ne’ebé mak ha’u tenke mantein, no ha’u sei halo ida ne’e. Sai Na’i ba ha’u-nia relasionamentu hotu atu nune’e sira bele sai relasionamentu sira ne’ebé Ita-Bo’ot hakarak. Hodi Jesus nia naran ha’u halo orasaun. Amen. ~SML
Hahán ba klamar: 2 Reis 1:1-4:17 ; Markus 14: 43-52 ; Salmu 1 ; Proverbiu 13:1