USA, Philadelphia, A woman receives a COVID-19 vaccine
Estados Unidos (EUA) sei fo doasaun rihun 750 dozes vasina COVID-19 ba Taiwan hanesan parte husi nasaun ne’e hodi distribui vasina globalmente.
Assuntu ne’e hato’o husi Senadora AS Tammy Duckworth iha Domingo (6/6).
Taiwan infrenta numeru aumenta kazu domestika no menus vasinasaun. Foin mak atinji porsentu 3 husi milhaun 23,5 populasaun mak vasina tiha ona.
Duckworth halo viajem ba iha Taiwan hamutuk ho Senador Dan Sullivan no Christopher Coons. Duckworth hateten Taiwan sei simu rihun 750 dozes hanesan parte primeiru donasaun husi EUA.
“ Importante ba EUA hodi Taiwan inklui iha grupu primeiru nebe sei simu vasina, tamba ami rekonhese nesesidade urgenti no valoriza parceria,” afirma nia iha entrevista koletiva. Nia lakolia espesifika vasina produsaun nebe mak sei simu husi Taiwan no bainhira.
Senador nain 3 ne’e, to’o ho aviaun Forsa Aérea EUA, no mos seri hasoru malu ho Prezidente Tsai Ing-wen hodi deskuti seguransas no assuntu sira seluk. (MF)