‘Dame ne’ebé bo’ot ba ó-nia oan sira.’ ~ Izaias 54:13 NKJV

Buat balun iha moris ne’e bele halo kanek ó-nia fuan, hanesan oan sira ne’ebé mak dependente ba alkóol ka ba droga, ka haree katak sira la’o halimar ho grupu ema ne’ebé mak la loos no envolve-an iha atividade sira ne’ebé mak bele estraga sira-nia moris. Nu’udar inan ka aman ida, saida mak ó bele halo?

Primeiru no importante liu, halo orasaun ba sira no ko’alia sai Na’i Maromak nia promesa sira ba sira. Karik ó la bele muda sira, maibé Na’i Maromak bele. Na’i Maromak ninia liafuan hateten, ‘Ó-nia oan sira hotu tenke hanorin husi Maromak, no dame ne’ebé mak bo’ot ba ó-nia oan sira.’ Oinsá karik ó-nia oan sai husi kontrolu no hela iha uma? Nune’e, ó iha dezafiu ne’ebé mak bo’ot no ó presiza Maromak nia tulun. Dalaruma ó-nia ‘oan ne’ebé mak problemátiku’ mak oan ne’ebé mak iha futuru ne’ebé mak nabilan, no diabu hatene ida ne’e. Maromak iha bolu ba iha sira-nia moris, no ida ne’e mak funu kona-ba ida ne’e! Nu’udar inan-aman, ó presiza Maromak nia matenek bainhira ko’alia kona-ba:

  1. Tau limite ne’ebé mak klaru ho konsekuénsia ne’ebé mak apropriadu no konsistente. Bíblia hateten, ‘Labarik hotu beik, maibé koreksaun ne’ebé mak firme sei muda sira.’ (Provérbiu 22:15 CEV)
  2. Ultrapasa sentimentu ta’uk katak ó-nia oan sei la simu ó bainhira ó halo desizaun ida ne’ebé mak la popular maibé desizaun ne’ebé mak matenek. Diabu sei tenta atu konvense ó katak ó sei lakon ó-nia oan sira bainhira ó disiplina sira. Maibé tuir loloos mak ó sei lakon ó-nia oan sira karik ó la disiplina ó-nia oan sira! Hanoin hetan: ‘Maromak la fó mai ita espíritu ta’uk, maibé espíritu ne’ebé mak iha poder, domin no ukun-an.’ (2 Timoteu 1:7 NLT) Halo orasaun no hamriik metin iha Ninia liafuan mak armas bo’ot rua ne’ebé Maromak fó bainhira hasoru diabu ne’ebé mak tenta estraga ó-nia oan nia futuru. No bainhira ó metin iha Maromak – ó sei . ~ SML

Hahán ba klamar: 2 Reis 4:18-6:33 ; Markus 14:53-65 ; Salmu 48 ; Proverbiu 13:2-3

 

Kuarta-feira, 09 Juñu 2021