Sekretaria Estadu Igualidade Jéneru no Inkluzaun Maria Fonsseca. (Foto: Andre Gusmão/Ravoz).
Sekretaria Estadu Igualidade Jéneru no Inkluzaun Maria Fonsseca, iha rezidensia primeiru ministru Farol Tersa semana ne’e halao enkontru regular ho Primeiru Ministru Jeneral Taur Matan Ruak hodi relata progresu ninia servisu.
Ba jornalista sira Maria Fonsseca Esplika, iha situasaun pandemia covid-19 nia laran eskalasaun violênsia sexual no violensia bazeia ba jéneru kontinua sa’e nafatin.
Tanba ne’e, iha situasaun desafiu bot husi pandemia Covid-19 nebe limiti mobilidades servisu, Sekretaria Estadu Igualidade Jéneru no inkluzaun tenke halo esforsu makaas liu husi rede servisu sira hodi kontinua assegura atendementu ba vítimas sira.
Secretaria Estadu Maria Fonsseca simu orientasaun husi Primeiru Ministru atu kontinua hametin kordenasaun entre partes relevantes hodi tau matan diak ba populasaun vítimas violensia sexual no vítimas violensia bazeia ba jéneru.
Maria Fonsseca mos simu orientasaun husi Primeiru Ministru atu prepara proposta orsamentu Sekretaria Estadu Igualidade no Inkluzaun ba orsamentu jeral estadu tinan 2022. (AG)