(Foto: REUTERS / Dado Ruvic)
Komisaun Européia aprova ona vasina Covid-19 produsaun Pfizer-BioNTech ba labarik sira nebe tinan 12. Aprovasaun hanesan fornese mos iha Estadus Unidus no Canadá. Komisaun ne’e anunsiu, Sexta (28/5), hafoin regulador médiku Uniaun Européia, European Medicines Agency, rekomenda atu uza vasina ba labarik tinan 12 to’o 15. Dadus hatudu katak vasina ne’e seguru no efikasia.
Agora depende ba kada nasaun Uniaun Européia atu desidi seraque no bainhira mak atu fo vasina ba adolesente sira ne’e. Alemanha no Italia hateten ona katak sira preparadu hodi haluan kampanha vasinasaun ba adolesente sira husi idade 12-15.
No mos iha Sexta-feira (28/5/21), Reino Unido, aprova vasina Covid-19 Johnson & Johnson. Ida ne’e vasina Covid-19 daha’at nian nebe aprovada husi nasaun refere, hafoin inakulsaun nebe halo husi Pfizer no BioNTech, Astrazeneca no Moderna.
prezidente Francês Emmanuel Macron, Sexta ne’e promete fornese vasina ba África do Sul no nasaun Áfrika seluk. Iha nia vizita ba Pretoria, Macron hateten Franca sei kontribui milhaun 30 resin dozes tinan ne’e ba inisiativa vasina global COVAX nebe apoiu husi ONU. Tuir Johns Coronavirus Resource Center, Áfrika do Sul agora daudaun vasina ona kuaze ema 700.000 husi sira nia populasaun milhaun 40. (MF)