Miguel Perreira de Carvalho, Ministru Administrsaun Estatal. (Foto:Andre Gusmão/Ravoz).
Ministru Administrsaun Estatal Miguel Perreira de Carvalho, iha edificio Ministeriu Finansas Quarta semana ne’e ba jornalista sira hateten, konstituisaun RDTL estabelese kriteria ha’at nudar rekejitus prinsipal ba kandidatura Prezidenti da Republika maka; kandidatu Prezidenti da Republika tenke sidadaun orijinal Timor Leste ho provas sertidaun RDTL, kandidatu Prezidenti da Republika tenke idade minimum tinan 35, kandidatu Prezidenti da Republika tenke iha plano de goza kapasidade ba funsaun, no kandidatu Prezidenti da Republika tenke propostu hosi númeru eleitores minimum rihun 5.000.
Relasiona ho prosesu eleisaun prezidensial 2022 nian Ministru esplika, iha kontestu pandemia virus corona covid-19, STAE sei hahú resensiamentu eleitoral no atualizasaun baze de dadus duranti fulan nen hahú loron 1 de Julhlu 2021 to’o Segunda semana fulan Janeiru 2022. Ba sidadaun sira nebe priense ona idade tinan 16 ba leten nebe seidauk iha kartaun eleitoral bele submete resensiamentu eleitoral hodi partisipa iha eleisaun Prezidensial 2022.
Ligadu ho kontestu pandemia covid-19, STAE propoin aumentu centru votasoins too 1.200, kompara ho eleisaun antisipada iha tinan 2018 ho centru votasaoins 880 deit. aumentu numeru centru votasaun nudar opsaun importante hodi evita lihun populasaun eleitores barak demais iha kada sentru votasaun no asegura populasaun mantein regras protokolu prevensaun Covid-19. (AG)