Prezidente França Emmanuel Macron. (AP/Eric Gaillard)
Jakarta, CNN Indonesia – Prezidente França Emmanuel Macron hetan basa husi mane ida, bainhira halo vizita servisu nian iha Terca (8/6/21).
Gravasaun video nebe hatudu Macron hetan basa bainhira hamrik rame hela iha komunidade sira nia klaran.
Forsa no Seguransa sira lalais bok an kedas hodi assegura mane neba.
Cita husi Reuters, Primeiru Ministru França Jean Castex hateten ataka ne’e sai hanesan insulta ba demokrasia.
Insidente ne’e akontese bainhira Macron halo hela vizita ba rejiaun Drome iha sudeste França. Iha neba nia hasoru malu ho restaurante nain sira no estudante sira hodi koalia oinsa moris fila fali normal hafoin pandemia Covid-19.
Iha video nebe espalha iha media social, Macron lao diresaun ba komunidade sira. Depois nia lolo liman atu komprimenta mane ida.
Maibe mane nebe uza kamiza matak kompletu ho oklu no masker ida ne’e, fila hodi basa Prezidente Macron nia oin laran.
Seguransa nain rua kaer kedas mane neba, enkuantu seguransa sira seluk lori Macron fila.
Maibe Macron la direita husik hela fatin neba, nia sei kontinua koalia ho komunidade sira seluk.
Gabinete Prezidensial hateten iha tentativas atua taka Macron.
Ema nain rua hetan kaptura hafoin akontesimentu refere. Maibe to’o agora indentidade mane neba seidauk fo sai, no motivu nia basa Macron mos seidauk klaru. (MF)