‘Ami-nia matan hateke ba Na’i ami-nia Maromak.’ ~ Salmu 123:2 NKJV

Ne’e sempre di’ak bainhira hetan apresiasaun ba servisu ne’ebé mak ó halo, no bainhira ida ne’e la akontese, ne’e bele afeta ba ó-nia an nia valor. Tamba ne’e mak Bíblia dehan, ‘Hanesan matan husi atan ida ne’ebé mak hateke ba ninia na’i nia liman… ami-nia matan hateke ba Na’i ami-nia Maromak.’

Ó-nia valor loloos mai husi Maromak, la’os husi ó-nia patraun. No bainhira ó haluha ida ne’e, ó tau ó-nia an ba iha frustrasaun iha servisu fatin. Lori ba to’o ekstreme liu, ó sai ladún efetivu iha servisu tamba ó lakohi atu foti desizaun  no foti risku karik ida ne’e afeta ba ema seluk nia hanoin kona-ba ó. Ninia pontu mak, ó sai ema ida ne’ebé sempre dehan “sin” no aseita ho ema hotu só para halo sira kontente no gosta ó. Konsekuentemente, ó-nia valor ba iha kompañia tun drástiku tamba ó la utiliza totalmente talentu ne’ebé mak Maromak fó ba ó. Hanesan ho ema ida ko’alia iha bisikleta nia roda, ó-nia pozisaun só hanesan parte ki’ik-oan ida husi ó-nia an. Iha sentru mak ó-nia identidade nu’udar oan mane ka oan feto husi Liurai ba liurai sira hotu. Hatene ó-nia an, sees husi saida mak ó halo,  ne’e importante hanesan ba ó-nia susesu iha servisu fatin no mós ó-nia kredensial no ó-nia skill sira. Bainhira ema seluk hatene katak ó presiza tebes aprovasaun, ne’e fó forsa ba sira atu manipula ó, define ó, no influensia ba ó-nia an nia valor. Ne’e forsa ne’ebé mak bo’ot demais atu fó ba ema ruma!

La importante saida mak ó-nia servisu presiza, hanoin: ‘Saida de’it mak ó halo, halo buat hotu ba Maromak nia glória.’ (1 Korintu 10:31 NLT)     ~ SML

Hahán ba klamar: 2 Reis 16:1-18:16 ; Markus 15:33-47 ; Salmu 80:1-11 ; Proverbiu 13:11-12