(REUTERS/LIM HUEY TENG).
Jakarta, CNN Indonesia – Governo Malásia desidi hodi estende lockdown total ou ordem kontrola movimentu hodi prevene hadaet virus corona.
Lockdown ne’e estende durante semana rua hahu loron 15 Junhu to’o 28 Junhu 2021.
Informasaun refere hato’o husi Ministru Defeza Malásia, , Dato’ Seri Ismail Sabri Yakoob di Putrajaya, Sexta (11/6).
Malásia antes ne’e implementa lockdown total hahu loron 7 to’o 14 Junhu.
“Ministériu da Saúde Malásia esplika no sugere ba Sessaun Espesial Assembleia Seguransa no Estadu, nebe lidera husi Primeiru Ministru loron ida ne’e atu PKP 3.0 kontinua semana rua tan, “hateten nia, cita husi Antara.
Desijaun ne’e halo hodi tetu numeru kazu diariu nebe kontinua a’as liu fali rihun 5.000.
Iha Sexta (11/6) kazu corona iha Malásia atinji 6.849 kazu, enkuantu loron hirak liu ba numeru 5.671 kazu deit.
Loron rua liu ba, iha Kuarta (9/6), Ministériu da Saúde hateten indikador transmisaun Covid menus ona sai 0.96.
Atualmente numeru kazu Covid-19 iha Malásia atinji 646.411 infeksaun no 3.768 mortalidade. (MF)