‘Benefísiu ezersísiu fíziku.’ ~ 1 Timoteu 4:8 NKJV

Bainhira ó tama ona ba iha idade haatnulu, limanulu, no neennulu, ó sei komesa ladún ativu ona. Feto ida halo komitmentu ba nia moris tomak atu la kosar. Ema seluk dehan katak razaun ida husi halo jogging mak atu ema haree nia di’ak liu iha ninia funeral. Kondutór ida tau stiker bumper ida iha nia kareta: ‘Ha’u tama ona idade limanulu, no ida ne’e ezersísiu ne’ebé mak sufisiente.’

Bíblia dehan, ‘Ezersísiu isin nian fó benefísiu uitoan, maibé santidade fó benefísiu ba buat hotu, kontein promesa sira ba moris ohin loron nian no ba moris ne’ebé mak sei mai.’ Será ke ida ne’e dehan katak tau matan ba ó-nia isin-lolon ne’e la importante? La’e, ida ne’e dehan katak ó tenke iha balansu! Point saida mak ó hetan bainhira ó servisu makaas hodi dezenvolve virtude santidade nian maibé ó mate molok tempu ho artéria sira blokeadu? Ó dehan, ‘Maibé ha’u la gosta jogging ka hiit sasán todan.’ Nune’e, iha notísia di’ak ida ba ó. Estudu médiku nian deskobre katak bainhira ó gasta tempu minutu 45 kada loron hodi halo servisu uma nian hanesan tesi du’ut, ó sei enjoy tinan ne’ebé naruk liu duké sira ne’ebé mak inativu. Ne’e di’ak liu tan bainhira ó halo push-up no sits-up ruma, maibé ida ne’e ladun nesesáriu. Bainhira ó falla atu mantein ó-nia karreta, ó la iha direitu atu fó sala ba ninia fábrika. No bainhira ó falla atu mantein hodi kuida ó-nia isin, ne’ebé mak sai templu ba Espíritu Santu nian, ó la iha direitu atu fó sala ba Maromak.

Ó dehan, ‘Maibé ha’u fiar ba kura husi Maromak.’ No Maromak nia promesa ba ó iha Ninia Liafuan (haree iha Tiago 5:14-15). Maibé Maromak hakarak ó atu uza fé – no mós matenek. Nune’e, rai tiha ó-nia telemóvel, hamriik husi sofa, no halo netik atividade hamoos uma nian ka hadi’a buat ruma. La’os de’it ó-nia uma sei haree di’ak liu tan, maibé ó mós sei moris naruk. ~SML

Hahán ba klamar: 2 Reis 18:17-20:21 ; Markus 16:1-20 ; Salmu 80:12-19 ; Proverbiu 13:13-16