Dageng Liu, reprezentante no Country Directer organizasaun programa aihan mundial iha Timor Leste. (Foto: Andre Gusmão).
Reprezentante no Country Directer organizasaun programa aihan mundial iha Timor Leste Dageng Liu, iha rezidensia Primeiru Ministru Farol Tersa semana ne’e halao enkontru ho Primeiru Ministru Jeneral Taur Matan Ruak, hodi informa ba xefi guvernu kona ba apoiu siguransa aihan, nutrisaun no apoiu transportes aviaun umanitariu ba Timor Leste nebe ajensia programa aihan mundial halo.
Dageng Liu nebe koalia ba jornalista sira no tradús ba lian Tetun hosi nia tradutor ofisial Antonia Suryany ne’e esplika, iha dadus programa aihan mundial nia koloka Timor Leste ba tipu mal nutrisaun moderadu. Maibe iha realitas Timor Leste sei iha ema isin badak barak tanba nutrisaun ladiak, nudar indikador katak Timor Leste iha hamlaha subar ka hunger.
Dageng Liu haktuir, hamlaha subar ka hunger iha Timor Leste laos tanba hahan laiha, maibe tanba populasaun barak lakohi han hahan nutritivu. Iha tipu hahan balun nebe nutritvu makaas maibe populasaun barak lakohi han tanba dehan lulik.
Tanba ne’e presiza muda populasaun sira nia hanoin atu keta halulik hodi konsume hahan nutritivu nebe iha. Iha aspetu barak nebe kontribui ba mal nutrisaun inklui populasaun sira nia hanoin lalós kona ba aihan nutritivu. (AG)