Ilustrasaun. (Antara Foto/Yusran Uccang)
Jakarta, CNN Indonezia – pelu menus ema nain 12 mate, hafoin aviaun militar nebe lori tropas sira monu besik sentru sidade Mandalay, Myanmar, Kinta (10/6).
Porta-voz militar, Zaw Min Tun, hateten katak assidente ne’e akontese tamba Klima nebe ladiak.
“ (aviaun) ne’e lakon komunikasaun bainhira iha leten kuaze metru 400 (1.300 ain) husi fabrika besi, besik aeroportu (iha Mandalay) “ hateten Min Tun iha nia komunikadu ofisial nebe cita husi AFP, Kinta (10/6).
Aviaun ne’e semo husi Naypyidaw atu ba iha sidade Pyin Oo Lwin, area sentru Mandalay no tula tripulantes nain 6 no passajeiru nain 8
Informasaun katak, ekipa konsege salva passajeiru nain rua, no sira lori kedas ba ospital military nebe besik.
Antes golpe iha loron 1 Fevereiru liu ba, asidente aviaun babain akontese iha Myanmar tamba setor aviasaun nebe ladun dezenvolve.
Enkuantu ne’e, monges Budista sira iha Myanmar antes ne’e lidera ona luta kontra junta militar nebe kontinua halo violensia ba sidadaun sivil, depois de sira assume poder durante nasaun ne’e hamrik.
Maibe, grupu Budista agora namkari hotu ona (sobu). Lideransa relijiozus balun apoio ba junta militar.
Atualmente, assaun protesta rezistensia sivil kontra junta militar kontinua aumenta. Hodi reduz ida ne’e, junta aumenta violentu.
Tuir Associação de Prisioneiros Políticos (AAPP), to’o agora numeru ema mate tamba konfrontus ho polisia Myanmar, besik ema 858, no 4.782 mak detidu hela. (MF)