‘Izaac, ne’ebé mak gosta jogu fuik sira, hadomi Esau, maibé Rebeka hadomi Jacob.’ ~ Genesis 25:28 NIV

Kompetisaun entre maun-alin sira iha família laran ne’e normal, no oinsá atu rezolve ba problema ida ne’e presiza sensividade no matenek. Infelizmente Izaac no Rebeka falta buat rua ne’e. ‘Izaac hadomi Esau tamba nia han husi Esau ninia kasa animál sira, maibé Rebeka hadomi Jacob.’ (Genesis 25:28 NKJV) José nia problema komesa ho liafuan hirak ne’e: ‘Agora (Jacob) hadomi José liu fali duké nia (Jacob) nia oan sira seluk, tamba José mak nia oan bainhira nia tama ba iha nia idade katuas: no Jacob halo ba José roupa barak ho kór ne’ebé mak lahanesan.’ (Genesis 37:3 KJV) Maibé ne’e la presiza sai hanesan ne’e iha ó-nia família. Ida ne’e la nesesáriu no mós la di’ak atu halo ó-nia oan sira hodi ataka malu no kria moris ne’ebé mak la di’ak ba sira ne’ebé iha sira-nia sorin-sorin. Karik ó labele atu lori dame ba iha sira-nia relasionamentu tomak maibé, liuhusi pratika imparsialidade (la inklina ba kualkér parte), maizomenus ó bele ajuda hodi evita problema ida ne’e hodi la sai aat liu tan. Labele habelar siume (kecemburuan) natural entre ó-nia oan sira. Desde tempu ne’e hahu iha ona maun-alin sira ne’ebé mak ódiu susesu husi maun-alin rasik no kompete hodi hetan atensaun husi sira-nia inan-aman. Nune’e ó tenke kuidadu atu labele fó komentáriu kazuál sira ne’ebé mak halo kontente oan ida liu fali duké oan seluk, liuliu iha área tolu ida ne’e: (1) Atrasaun fíziku (2) Intelijénsia (3) Skill sira no habilidade atlétiku sira. Buat tolu ne’e mak nervu matak iha ne’ebé ema ida nia valor tara ba. Bolu ba ita-nia oan feto ida nu’udar ‘ha’u-nia oan feto ne’ebé mak bonita liu’ ka ba ita-nia oan mane ida ‘ha’u-nia oan ne’ebé mak matenek liu’ bele provoka emosaun ida iha oan sira seluk nia laran, ne’ebé mak hanoin katak sira-nia an ne’e oin-aat ka beik-ten. Sensividade iha área hirak ne’e sei bele reduz antagonismu entre ó-nia oan sira no kria ton ida ne’ebé mak harmonia liu ba membru família tomak. Paul dehan ba Timoteu, ‘Obedese instrusaun hirak ne’e no labele atu hili parte ruma ka hatudu favor liu ba ema ruma.’ (1 Timoteu 5:21 NLT) Ida ne’e mak ‘regra igreja nian’, maibé ida ne’e mós tenke sai ‘regra uma laran nian’!  ~ SML

Hahán ba klamar: 2 Reis 21-23 ; Lukas 1:1-10 ; Salmu 73:1-16 ; Proverbiu 13:17-19