‘No Nia sei hatán ba sira, dehan, “Tebes, Ha’u dehan ba imi, nu’udar imi la halo ba ema ida entre sira ne’ebé ki’ik ne’e, imi mós la halo mai Ha’u.” ~ Mateus 25:45 NKJV
Bíblia hanorin mai ita katak iha loron ida Na’i Maromak sei evalua no sei selu mai ita ida-idak depende ba maneira oinsá ita halo ba ema sira ne’ebé iha ita-nia sorin-sorin ne’ebé mak moras ka presiza tulun. No tamba ida ne’e mak ó tenke tulun sira ho sériu. Thomas Barnardo fiar ba ida ne’e, no nia sai nu’udar salah satu erói bo’ot ida Kristaun nian iha tinan 1800. Durante ninia kna’ar entre ema ki’ak sira no ema sira ne’ebé mak uma laiha iha East End London, nia harii uma ida ba labarik ki’ak sira ne’ebé mak akumula labarik mane no labarik feto na’in 400. Nia transforma Edinburgh Castle Gin Palace no Music Hall ba iha Kafe ida, fatin ne’ebé mak sai sentru ba evanjelizasaun no atividade sira Kristaun nian. Nia harii aldeia ida ba labarik feto sira ne’ebé mak serbi ba labarik feto sira liu na’in 9.000 durante ninia moris. Totalmente, labarik liu na’in 60.000 mak benefisiadu husi sentru treinamentu vokasional sira no uma sira ne’ebé mak nia harii.
Iha kazu extremu sira iha ne’ebé nia hetan labarik sira iha ema aat sira nia liman, nia sei ‘na’ok’ sira – polítika ida ne’ebé mak, bainhira envolve inan-aman, konsidera kontra lei. Maibé nia senti kesi metin liu ba iha lei ida ne’ebé mak aas liu – Na’i Maromak nia lei. Ida ne’e halo Barnardo vulnerável ba akuzasaun kriminál sira no mós kazu hadau malu kustódia ba labarik sira ne’e, maibé ikusmai, lei iha nasaun ne’e mak muda no la’os Barnardo.
Ninia ‘graduadu’ sira ne’ebé mak susesu inklui defensór, doutór, múziku na’in sira, komandante naval sira, businessman sira, no ministro kolonial rai ne’ebá nian, ema sira hotu ne’ebé mak uluk ki’ak no hamlaha no hetan tulun husi nia.
Oinsá mak ó muda mundu ida ne’e? Komesa ohin loron, ó bele halo ida ne’e – ema ida nia moris iha momentu ida. ~ SML
Hahán ba klamar: 2 Reis 24-25 ; Lukas 1:11-25 ; Salmu 73:17-28 ; Proverbiu 13:20