Karik sala-na’in ida koko atu dada ó, labele aseita.’ ~ Proverbiu 1:10 NKJV
Ó husu problema bainhira ó hili belun ne’ebé mak sala. Ema matenek ida ko’alia nune’e, ‘Se ó hakarak semo aas hanesan manu makikit, ó labele halai ba mai ho manu kalkun.’ Ikusmai ó sei sai hanesan ho ema hirak ne’ebé mak ó gasta tempu barak liu ho sira; tamba ida ne’e mak ó tenke matenek hodi hili belun sira. Salmista ne’e hateten, ‘Grasa ba ida ne’ebé mak la la’o ho ema aat sira ka hamriik iha dalan ne’ebé mak sala-na’in sira hili.’ (Salmu 1:1 NIV)
Sansão hala’o relasionamentu ida ne’ebé mak la saudável no relasionamentu hirak ne’e hotu lori nia ba lakon dalan. Nune’e, ida ne’e pergunta ida: será ke ó-nia belun sira impede ó hodi moris 100% ba Maromak? Será ke sira hamonu ó ka sira foti sa’e ó? Bainhira ó hamutuk ho sira, será ke ó haree ó-nia an halo buat ne’ebé mak kontra ó-nia fiar no ó-nia konsiénsia – buat sira ne’ebé mak ó senti ladi’ak bainhira ó halo buat hirak ne’e? Livru Proverbiu bolu ita-nia atensaun dalabarak kona-ba asosiasaun negativu sira: ‘Bainhira sala-na’in ida koko atu dada ó, labele aseita.’ Besik beibeik ba atitude sira ne’ebé sala no valor sira ne’ebé sala ikusmai sei lori ninia vítima ba ó-nia moris. Fásil liu atu hamonu ema ida duké foti sa’e ema ida. Entaun, belun sira hanesan saida mak ó bele mantein? Ne’e mak belun sira ne’ebé mak bele lori sai mai ida di’ak liu husi ó-nia an, belun sira ne’ebé mak foti sa’e ó, belun sira ne’ebé mak enkoraja ó, no belun sira ne’ebé mak ajuda ó atu sai ema ida ne’ebé mak di’ak liu tan. ‘Maibé, la’os ita tenke hadomi ema hotu-hotu?’ ó pergunta. Sin, maibé la’os ó atu sadere ba sira, rona sira, aprende sira-nia dalan sala nian, no sai hanesan sira.
Bainhira atu hili ó-nia belun sira, ida ne’e mak regra Eskritura nian ó tenke moris tuir: Na’i Maromak, ‘ha’u sai belun ba ema sira ne’ebé mak hamta’uk (respeita) Ita-Bo’ot – ema sira ne’ebé mak obedese Ita-Bo’ot nia mandamentu sira.’ (Salmu 119:63 NLT) ~ SML
Hahán ba klamar: Ozeias 6-10 ; Lukas 1:39-56 ; Salmu 139:7-12 ; Proverbiu 13:24