Oscar Lima, Prezidenti Câmara Comérsiu industria Timor Leste.
Prezidenti Câmara Comérsiu industria Timor Leste Oscar Lima iha nia servisu fatin edifisiu kompanhia Monte Veado kinta semana ne’e ba Radio Voz hateten,
Nudar buat ida normal wainhira governu husu parlamentu nasional muda lei orsamentu estadu tinan 2021 se wainhira realitas ruma kontradós ho lei orsamentu nebe ijisti, hanesan pandemia Covid-19 nebe prezudika governu labele ezekuta programa tuir lei orsamentu estadu 2021.
Oscar Lima konsidera mudansa lei orsamentu estadu 2021 hamosu implikasaun pozitivu ba seitor privadu ka emprezarius sira, tanba ho mudansa lei orsamentu estadu 2021 posibiliza governu bele selu ona dívidas barak ba seitor privadu ka emprezarius sira.
Prezidenti CCITL Oscar Lima fo resposta apresiasaun pozitivu ba desizaun governu nebe hakotu konfinamentu domisiliáriu jeral obrigatoriu iha munisipiu Dili no liberta populasaun barak iha munisipiu Dili bele sirkula normal, aleinde mos fo dalan ba atividades ekonómika bele lao normal hikas hodi fo efeitus pozitivu ba seitor privadu emprezarius sira bele halo buat ruma.
Oscar Lima konkorda ho desizaun governu katak, maske populasaun bele sirkula normal ona maibe tenke mantein nafatin regras prevensaun Covid-19 hodi garante tendensia pozitivu situasaun pandemia Covid-19 bele to’o iha zero kazu Covid-19 iha nasaun. (AG)