Primeiru Ministru RDTL Jeneral Taur Matan Ruak, simu vasinasaun.

Primeiru Ministru RDTL Jeneral Taur Matan Ruak, iha nia rezidensia Farol Kinta semana ne’e kompleta simu vasina astrazeneca ba dala rua ka II doze.

Primeiru ministru deklara ba jornalista sira katak, nia kompleta ona simu vasina dala, ho nune’e, nia livre ona hodi halao viazen ba kualker fatin nebe deit, no la presiza ona teste swap, teste psr no rapid teste.

Primeiru Ministru hato’o saudasaun parabens ba entidades hotu linha oin profisionais saúde sira, polísia, voluntariu, no organizasaun não governamentais sira nebe fo ona apoiu moral no prestasaun servisu diak ba prosesu kampanhia vasinasaun iha nasaun, no promete, governu sei kontinua apoia atividades hotu profisionais saúde polísia no entidades nebe involve iha linha oin hodi kontra hasoru  Covid-19.

Primeiru Ministru apela ba povu tomak atu soe tiha dúvida no kopera ho profisionais sira fo an ba simu vasina hodi salva ida-idak nia vida rasik hosi ameasa Covid-19.    Tanba ho nune maka estadu bele avansa lalais ba normalizasaun no rekoperasaun ekonomia  nasaun nian.

Primeiru Ministru promete governu sei halo esforsu hodi hetan mos vasina ba populasaun idade tinan 18 mai kraik. (AG)