‘Labarik ne’e sei sai nazar ida ba Maromak dezde nia iha knotak laran to’o ba iha loron ne’ebé nia mate.’ ~ Juízes 13:7 NKJV

Ó husu problema bainhira ó rejeita atu simu Maromak ho seriedade. Anju ida ne’ebé mak anunsia kona-ba Sansão nia moris hateten katak Sansão sei ‘sai nazar’ ida, ida ne’e hatudu katak nia tenke dedika nia an tomak hodi halo tuir Na’i Maromak nia hakarak. Maibé Sansão la fó atensaun ba iha ninia vida espiritual nian. Nia só halo orasaun bainhira nia iha problema nia laran. Nia impulzivu; nia halo saida de’it mak nia gosta atu halo. Loos mak, ita sei salva ita-nia an husi problema lubuk ida no ita salva ita-nia an husi kanek barak bainhira ita para uitoan no husu Maromak nia gia iha ita-nia diresaun. Sansão fila ba Maromak só kuandu nia hasoru problema. Ida ne’e mak ita bolu ‘Kristaun foxhole (subar fatin)’. Ita halo orasaun dehan, ‘Na’i Maromak, karik Ita-Bo’ot hasai ha’u husi dilema ida ne’e, ha’u promete katak ha’u sei moris ba Ita-Bo’ot komesa agora ba oin.’

Maibé iha pergunta ida: será ke Maromak sai de’it hanesan hanoin ida ba ó, komfortu ida ba ó? Bainhira buat hotu sai difísil no ó iha fatin kloot nia laran ó fila ba Maromak ho putus asa, maibé bainhira buat hotu sai di’ak fila fali ó ignora Na’i Maromak? Só bainhira Sansão hetan kapturasaun husi ema Filistin sira, ninia matan ema hasai, no nia harahun graun sira iha fatin harahun graun nian hanesan ho karau ida, ita lee duni katak nia fila tebes duni ba Na’i Maromak liuhusi ninia orasaun. Istória hanesan saida mak sei akontese karik Sansão halo orasaun ho loos dezde uluk? Tamba saida mak Sansão tenke hein to’o buat hotu monu uluk lai mak foin nia fila hodi buka Maromak?

La presiza tenke sai hanesan ne’e iha ó-nia moris! Salmista ne’e hateten, ‘Grasa ba ema hotu ne’ebé mak hamta’uk ba Maromak, ema sira ne’ebé mak la’o iha obediensia nia laran ba Maromak. Ó sei han ai-fuan husi ó-nia servisu rasik, bensaun no prosperidade sei sai ó-nian.’ (Salmu 128:1-2 NIV) ~ SML

Hahán ba klamar: Ozeias 11-14 ; Lukas 1:57-66 ; Salmu 139:13-24 ; Proverbiu 13:25