‘Ninia fuuk iha ninia ulun komesa moris fila fali.’ ~ Juízes 16:22 NKJV
Relasiona ho Sansão, Bíblia hateten mai ita katak, ‘Ninia fuuk iha ninia ulun komesa moris fila fali.’ Prosesu hodi hafoun fila fali komesa daudaun. Sansão arepende no fila fali ba Maromak, Na’i Maromak fó fila fali Samson ninia forsa, no nia remata ninia moris ho asaun eroísmu ida.
Karik ó senti hanesan ó halo sala ne’ebé mak bo’ot liu ona no Maromak sei nunka hadomi tan ona ó no sei la uza tan ona ó – maibé hanoin hetan ba Sansão! Na’i Maromak nunka rende ba nia, no Na’i Maromak mós seidauk rende ba iha ó. Na’i Maromak haree ó-nia potensia no hanoin hetan tamba saida mak Nia kria ó: Nia kria ó ba buat ne’ebé mak bo’ot. Só bainhira ó book-an ba iha sentru husi Na’i Maromak nia hakarak sira mak foin ó deskobre tamba saida mak Na’i Maromak kria ó. Bainhira ó halo ida ne’e, buat hotu sei komesa ba fila fali sira-nia fatin.
Iha buat ida ne’ebé mak enkoraja tebtebes kona-ba Sansão. Nia inklui iha metade husi Na’i Maromak nia ema sira ne’ebé mak koñesidu – panorama husi ema koñesidu sira ne’ebé ho fiar bo’ot ba Maromak ne’ebé mak hakerek iha Ebreu 11. Tamba saida? Tamba Na’i Maromak bele foti ema ida ne’ebé mak haree hanesan fallansu bo’ot ida no uza sira hodi atinje buat bo’ot sira. Se Na’i Maromak uza de’it ema ne’ebé mak perfeitu, laiha buat ida ne’ebé mak termina. Maibé, Na’i Maromak uza ema baibain ne’ebé mak nakonu ho frakeza sira, ema ne’ebé mak dalaruma falla iha buat bo’ot sira.
Entaun saida mak ó tenke halo karik ó mak Sansão? Lori ó-nia moris fila fali ba Na’i Maromak. Saran ba Na’i Maromak ó-nia an ne’ebé mak rahun no husik Na’i Maromak transforma ó-nia an sai tomak fali. Na’i Maromak bele fó ba ó poder hodi liberta ó-nia an husi buat sira ne’ebé mak kesi no hamonu ó no buat sira ne’ebé mak impede Nia hodi servisu iha ó-nia moris.
Só Na’i Maromak de’it mak hatene ó-nia potensia sira, no ó sei labele lori sai mesak ó-nia potensia hirak ne’e. Na’i Maromak tenke halo ida ne’e uza Ninia forsa – nune’e husik Na’i Maromak komesa ohin loron! ~ SML
Hahán ba klamar: 1 Reis 17:1-7 ; 1 Reis 18: 41-46 ; Markus 4:35-41