‘Ha’u bolu ba Maromak iha difikuldade nia laran; Na’i Maromak hatan mai ha’u.’ ~ Salmu 118:5 NKJV

Iha nia idade 26, Thomas komesa loke kompañia publikasaun nian no harii Konvensaun Nasional Koru nian no Koru Evanjéliku iha Amérika. Nia servisu hamutuk ho kantór famozu balun iha istória múzika relijiozu nian, inklui ho Mahalia Jackson.

Maibé iha kalan ida depoizde nia kanta ba audiensia sira Saun Louis nian, nia simu telegram ida ne’ebé hateten, ‘Ó-nia feen foin mate daudaun ne’e.’ Nia mate bainhira nia tur ahi ninia oan. Thomas fila lalais ba iha ninia uma iha Chicago, iha ne’ebé ninia oan mane ne’ebé mak foin moris mai mate iha loron tuirmai. Thomas monu ba iha depresaun nia laran, nia hadook-an husi ema sira, no nia hirus ba Maromak. ‘Ha’u senti Na’i Maromak halo injustisa ida mai ha’u. Ha’u lakohi tan ona atu serbi ba Nia no ha’u mós lakohi atu hakerek tan múzika relijiozu nian.’

Ninia kolega ida lori nia ba iha eskola muzikal ambiente. Iha kalan ne’ebá Thomas tur iha piano ida nia sorin no nia komesa toka piano… no nia halo orasaun. Nia fakar ninia laran tomak ba iha Na’i Maromak, no hirak ne’e hotu sai liafuan ne’ebé mak furak tebes: ‘Na’i Maromak ne’ebé mak presiozu tebes, kaer ha’u-nia liman, gia ha’u, halo ha’u hamriik, ha’u kolen, ha’u fraku, ha’u kolen; liu husi tempestade, liu husi kalan, gia ha’u ba naroman: kaer ha’u-nia liman, Na’i Maromak presiozu, lori ha’u fila ba uma.’

Thomas A. Dorsey fó testemuña katak Na’i Maromak kura nia iha kalan ne’ebá bainhira nia tur iha piano nia sorin. Nia komesa hakerek fila fali múzika 1.000 liu no sai eskritor múzika relijiozu Kristaun nian ne’ebé mak iha influénsia bo’ot tebes. Buat ne’e hotu tamba nia fila ba Maromak hodi husu tulun. Salmista mós halo ida ne’e: ‘Ha’u bolu ba Maromak iha difikuldade nia laran, no Na’i Maromak hatan ha’u.’

Nune’e liafuan ba ó ohin loron mak – fila ba Maromak; Nia sei la desepsiona (mengecewakan) .    ~ SML

Hahán ba klamar: Jeremias 4-6 ; Lukas 2:1-7 ; Salmu 144:9-15 ; Proverbiu 14:5-8