‘Labele la’o sala dalan.’ ~ Proverbiu 4:27 NLT
Ema barak husi ita mak falla, la’os tamba ita laiha talentu, determinadu, ka pasionadu, maibé tamba ita ‘la’o sala dalan’. Na’i Maromak dehan ba profeta Habakuk, ‘Hakerek revelasaun hirak ne’e hotu no halo sira klaru ba iha ai-kabelak ida atu nune’e mensajeiru bele simu sira.’ (Habakuk 2:2 NKJV)
Só kuandu ó iha objetivu ne’ebé mak klaru no tau ó-nia objetivu iha ó-nia oin ba nafatin, ó sei la halai ba dalan ne’ebé mak determinadu. Nu’udar buat ne’ebé mak motivador Sam Horn ko’alia: ‘Ne’e difísil atu mantein iha ita-nia objetivu, karik ita lahatene saida mak ita-nia objetivu.’
Iha ninia livru ida naran One Big Thing (Buat Bo’ot Ida), Phil Cookes hakerek: ‘Ha’u nunka sai fans ba ema ne’ebé mak inventa “polítika odamatan nakloke”. Sin, ita hakarak atu aksesivel ba iha ita-nia traballador sira no mós ba ko-traballador sira, maibé iha pontu balun ida ne’e mak tempu hodi taka odamatan no servisu. Depoizde ó-nia interupsaun tuirmai husi vizitante ida, halo nota kona-ba lori tempu hira atu ó bele fila fali ba iha ó-nia level husi intensidade ka fokus molok ó hetan interupsaun husi vizitante ne’e. Ó sei hakfodak ho tempu barak ne’ebé mak na’ok husi ó-nia loron… Beibeik ona ema seluk ninia presiza sira mai molok ita-nia mehi. Klaru katak ita tenke tau-matan ba ita-nia oan sira, respeita ita-nia parseiru/a, no hasoru ita-nia responsabilidade primáriu sira kona-ba ita-nia família ka servisu. Maibé pasu primeiru atu atinje ita-nia mehi mak toma responsabilidade ba ida ne’e. Ne’e dehan katak halo oráriu ba ida ne’e, no labele tau ba iha oráriu nesesidade ladún importante sira husi ko-traballador sira ka husi kolega sira. Komitmentu lorloron ida ne’e soe ita-nia tempu, no la kleur ita-nia mehi lakon iha sabraut nia laran. Para hodi halo buat ne’ebé mak ema seluk dehan urjente, no komesa fokus ba buat ne’ebé mak importante ba ó.’
No importante liu mak, saida mak importante ba Maromak! ~SML
Hahán ba klamar: Jeremias 7-9 ; Lukas 2:8-20 ; Salmu 8 ; Proverbiu 14:9-12