‘Karik ha’u bosok ona ema ruma husi buat ruma, ha’u sei selu fila fali.’ ~ Lukas 19:8 NIV
Zakeu sai riku liuhusi kobra impostu husi ema sira ho valór ne’ebé mak liu husi standar ne’ebé mak ninia patraun Romanu sira haruka nia atu foti, no nia tau restu hirak ne’e ba iha ninia bolsu. Maibé depoizde nia hasoru Jesus, nia dehan, ‘Karik ha’u bosok ema sira iha sira-nia impostu, ha’u sei selu fila fali ba sira dala haat!’ (Lukas 19:8 NLT) Konsekuentemente, Jesus dehan, ‘Salvasaun to’o tiha ona iha uma ida ne’e ohin loron.’ (Lukas 19:9 NLT)
Integridade la’os ko’alia kona-ba arependimentu (penyesalan), ka buka atu minimiza konsekuénsia ne’ebé moras, ka atu koko hodi kontrola estragu sira. Maibé integridade ko’alia kona-ba arependimentu (pertobatan) ne’ebé mak onestu, selu sala sira, no moris iha dalan ne’ebé mak garante katak ó sei halo buat ne’ebé mak lahanesan iha futuru. Hakerek kona-ba integridade, Greg Laurie dehan: ‘Saida mak integridade? Ida ne’e hanesan ho karakter. DL Moody define integridade nu’udar ó ne oinsá bainhira iha nakukun laran. Iha liafuan seluk, integridade mak ita-nia an bainhira laiha ema ida iha ita-nia sorin-sorin hodi impresiona sira. Ida ne’e mak ita-nia an loloos. Humorista Will Rogers hateten, “Nune’e moris ba to’o ó la senti laran-todan hodi fa’an ó-nia manu papagaiu ba iha sidade gosip nian.” Ida ne’e mak integridade.’
Bíblia hateten, ‘Integridade husi ema ne’ebé mak onestu sei gia sira.’ (Provérbiu 11:3 KJV) Harii fila fali ó-nia integridade katak ho haraik-an rekoñese katak dalaruma ó-nia hanoin sira la to’o hodi print sai, ka ó hakanek ona ema ruma no presiza atu haloos buat ruma ka ó sei para hodi bosok ó-nia patraun ka para hodi bosok iha ó-nia impostu sira. Integridade mak ó-nia an loloos bainhira laiha ema ida mak haree ó. Job dehan, ‘Karik Nia la haree ha’u-nia dalan sira… Karik ha’u la’o ho bosok, ka bainhira ha’u-nia ain la’o ho ansi hodi bosok, tetu ha’u iha dasin ne’ebé mak onestu, nune’e Maromak hatene ha’u-nia integridade.’ (Job 31:4-6 NKJV) Komesa ohin loron, harii fila fali ó-nia integridade. ~SML
Hahán ba klamar: Jeremias 10-13 ; Lukas 2:21-33 ; Salmu 17 ; Provérbiu 14:13-16