Estádio Nasional, fatin Jogos Olímpicos e Paraolímpicos de 2020 iha Tókyo, 21 de junho de 2021. (Foto: Kazuhiro NOGI / AFP)
Agensia Olimpiade kritika regra rigidas nebe aplika husi governu Japaun ba atletas sira husi nasaun hirak nebe afetadu Covid-19 ba Olimpiade Tokyo iha fulan oin. Indian Olympic Association (IOA) konsidea regras ne’e “la justu.”
Organizadores Olimpiade Tokyo 2020, Segunda (21/6) hateten medidas adisionais sei aplika hodi reduz risku transmissaun husi nasaun oioin, inklui India, nebe infrenta impaktu signifikativu tamba Covid-19. Regulamentu ezizi atletas atu halo teste diariu durante semana ida antes sira viajem ba Japaun. Loron tolu hafoin to’o iha Japaun, husu atletas sira atu la halo “ kontaktu ho ekipa sira seluk.”
IOA konsidera regras ne’e rezulta atleta sira lakon tempu loron tolu nebe importante atu bele treina. IOA hatutan tan, nasaun 11, inklui India, Pakistaun no Reinu Unidu mos sei afetadu ba regulamentu refere.
Organizadora Tokyo 2020 hateten iha nia komunikasaun ba agensia notisia AFP katak sira simu ona dokumentus husi agensia Olimpiade India. Maibe la esplika klaru, seraque atleta sira husi nasaun nebe afetadu ne’e sei hetan lisensa atu treina loron tolu hafoin sira to’o iha Japaun. [mf]