Odete Belo Ministra Saúde, (Foto fontes: tatoli.tl/google)
Ministra Saúde Odete Belo, iha konferensia imprenza reuniaun extraordenariu Konselu Ministrus iha Palasiu Governu kuarta semana ne’e hateten,
Ministeriu Saúde aplika ona vasina ba populasaun liu rihun atus 140.000 ka 20 % hosi total populasaun idade vasina simu ona vasina kontra covid-19, no sei iha rezerva vasina dozes rihun 180.000 nebe koloka ba alvu ema linha frenti sira kontra Covid-19, aleinde ema sira nebe idade avansadu ho moras komplikadu.
Timor Leste sei hetan tan vasina to’o rihun atus 600.000 husi Australia no republika popular China, aleinde mos sosa rasik. Sei hela 80 % populasaun idade tinan 18 ba leten maka seidauk simu vasina.
Ministeriu Saúde mos prepara hela prosesu vasina ba labarik sira nebe idade menus hosi tinan 18 mai kraik. Aserka de tipu produtu vasina 3 nebe Ministeriu Saúde identifika hela atu uza ba labarik tinan 18 mai kraik hanesan vasina Pfizer nebe grau temperatura selsius ba labarik, vasina sinovac, no vasina husi Cuba nebe prosesa hela atu hetan aprovasaun husi Organizasaun Saúde Mundial.
Hatan ba polémika públiku relasiona ho anunsiu governu Australia nebe halo modifikasaun sistema vasina astrazeneka tuir sekmentasaun idade ema, Ministra konfirma, Anunsiu kompletu husi Australia hateten kompletu atu sidadaun sira nebe simu Astrazeneka doze primeiru kontinua nafatin ho Astrazeneka doze segundu.
Ministra afirma, Timor Leste utiliza vasina Astrazeneka nudar desizaun estadu, no Timor Leste adere ba rekomendasaun organizasaun saude mundial atu uza vasina atrazeneka ba idade tinan 18 ba leten.
Rezultadu hosi aplikasaun vasina Astrazeneca iha indikador realita hatudu ke hahú husi loron primeiru to’o minutu ikus Ministeriu Saúde aplika vasina Astrazeneka númeru kazu pozitivu kontinua redús, laiha mate pasienti Covid-19, fatin izolamentu komesa mamuk. [ag]