‘Hanesan bebé sira ne’ebé mak foin moris, buka susubeen murni husi Ninia Liafuan.’ ~ 1 Pedro 2:2 NASB
Estudu Bíbliku loron-loron importante tebes ba ó-nia kresimentu espirituál. Professor Howard Hendricks hakerek: ‘Bainhira ita-nia oan sira sei nu’udar labarik ki’ik sira ne’ebé mak foin aumenta sai bo’ot, ita tau gráfiku altura nian iha kuartu nia armáriu kotuk. Durante sira sai bo’ot, sira husu ita atu sukat altura husi sira-nia isin no tau iha gráfiku. La problema ho kresimentu ne’ebé mak ki’ik, sira haksoit tun sa’e ho haksolok hodi haree sira-nia progresu. Dala ida depoizde hau sukat ha’u-nia oan feto ida ninia altura, nia husu mai ha’u buat ida ne’ebé mak ó nunka espera atu labarik sira husu: “Pai, tamba saida mak ema bo’ot sira la aumenta bo’ot tan?” Oinsá mak ha’u bele esplika ba nia katak ema bo’ot sira la para hodi sai bo’ot – ema bo’ot sira sai bo’ot iha diresaun ne’ebé mak diferente? Ha’u lahatene saida mak ha’u dehan ba nia, maibe to’o ohin loron Na’i Maromak sei nafatin husu mai ha’u, “Hendricks, será ke ó aumenta bo’ot (iha parte idade nian; aumenta sai idade liu) sai katuas, ka ó sai bo’ot espiritualmente?”’
Oinsá ho ó? Ó sai ema kristaun durante tempu hira ona? Fulan sia? Tinan 39? Problema loloos mak ó sai bo’ot espiritualmente to’o ona iha ne’ebé? Hamriik ba iha Na’i Maromak ninia gráfiku no sukat ó-nia progresu. Ida ne’e mak buat ne’ebé apostolu Pedro hakarak bainhira nia hakerek, “Hanesan bebé sira ne’ebé mak foin moris, buka susubeen murni husi Ninia Liafuan, nune’e mós ó tenke sai bo’ot iha salvasaun.”
Hanesan ho bebé ne’ebé mak kaer ba iha garrafa susubeen nian, ó kaer ba iha Bíblia. Bebé presiza susubeen hodi sustenta ninia moris fizikamente; no ó presiza Na’i Maromak ninia Liafuan hodi sustenta ó-nia moris espiritualmente. Nune’e razaun primeiru hodi estuda Bíblia mak ida ne’e esensiál ba iha kresimentu espiritual. Ida ne’e mak Na’i Maromak ninia instrumentu primeiru hodi dezenvolve ó nu’udar indivíduo .~SML
Hahán ba klamar: Jeremias 14-17 ; Lukas 2:34-40 ; Salmu 21 ; Proverbiu 14:17-20