Ilustrasaun (morgueFile/earl53).
Jakarta, CNN Indonezia – Governu Japaun ezizi cazais (kaben nain) sira tenki uza apelidu ida hanesan. Desijaun ne’e aplika hafoin iha Quarta-Feira (22/6), Tribunal Superior Japaun rejeita aksaun casais nain tolu nebe hakarak manter sira nia apelidu ida-idak hafoin kazamentu.
Cazais tolu ne’e konsidera katak dispozisaun ne’e diskriminatoria. Ida ne’e laos primeira vez pôlemika apelidu nian sai debate publiku iha Japaun.
Iha 2015, Supremo Tribunal Japaun rejeita aksaun hanesan husi ema nain 5 nebe keixa. Sira luta hodi feto sira bele manter sira nia naran familia, depois de kaben.
Lei Japaun nebe promulga iha sekulu-19, la define fen ho laen sira tenki muda sira nia apelidu hafoin sira hari’i uma kain. Maibe, durante ne’e feto barak maioria mak uza sira nia laen nia naran kotuk hafoin kaben.
Enkuantu ne’e, sidadaun barak iha Japaun, inklui jovem sira nakloke liu no apoio hodi uza naran apelidu nebe diferente entre fen ho laen mesmu kaben ona.
Ativistas ba Igualdade de Gênero no Comitês das Nações Unidas (ONU), konsidera lei kona ba mundansa apelidu depois de kaben ne’e antigu liu no ezizi mudansa.
Cita husi CNN, membru parlamentu nebe inklui iha koalizaun governasaun Primeiru Ministru Yoshihide Suga, apoiadu lei hodi permite cazais sira desidi apelidu saida mak sira sei uza.
Aleinde ne’e mos, partidu Suga, Partidu Liberal Democrático (LDP), kontra assuntu ne’e. sira konsidera passu ida ne’e bele estraga unidade familia nian no kontra tradisaun familia. [mf]