TAMBA SAIDA MAK ESTUDA BÍBLIA? (3)

‘Na’i Maromak nia ema tenkesér adekuadu, ekipadu ba iha servisu di’ak sira hotu.’ ~ 2 Timoteu 3:17 NASB

Estudu Bíbliku loron-loron hakompletu ó ba iha servisu ne’ebé mak Na’i Maromak fó ba iha ó-nia moris. Paul hakerek: ‘Eskritura tomak inspiradu husi Na’i Maromak no to’o duni hodi hanorin… hodi fó provas… hodi fó koreksaun… hodi treina iha lia-loos; atu nune’e Na’i Maromak nia ema sira (mane no feto) bele adekuadu, ekipadu ba iha servisu di’ak sira hotu.’ (2 Timoteu 3:16-17 NASB)

Tuir Paulo nia hanoin, Eskritura tomak ne’e rentável – maibé rentável ba iha saida?

  1. Atu fó doutrina no hanorin. Ida ne’e sei forma ó-nia hanoin, no ida ne’e krusial, tamba se ó la hanoin ho loloos, ó sei la moris ho loloos. Saida mak ó fiar determina ó-nia hahalok.
  2. Hodi fó provas sira. Ida ne’e sei dehan ba ó iha ne’ebé mak ó sai ona husi limite ne’ebé mak iha. Hanesan ho árbitru ne’ebé mak huu ninia apita bainhira bola halai sai husi liña nune’e mós Bíblia hanorin ba ó kona-ba saida mak sala, no saida mak Na’i Maromak hakarak ba iha ó-nia moris.
  3. Hodi fó koreksaun. Ó iha armáriu ida iha uma laran iha ne’ebé mak ó rai lixu sira ne’ebé mak ó la hetan ninia fatin iha fatin seluk? Ó hatama buat hotu ba iha laran, no loron ida ó haluha, ó loke armáriu nia odamatan, no – whoosh!- buat hirak ne’e hotu fakar sai fali mai! Ó dehan , ‘Whoops! Di’ak liu ha’u hamoos buat sira ne’e hotu!’ Bíblia mós hanesan ne’e; Bíblia loke armáriu nia odamatan iha ó-nia moris no oferese purifikasaun dinámiku.
  4. Hodi fó treina iha lia-loos. Nia fó koreksaun mai iha ita-nia sala sira, Paulo fó mai ita manual pozitivu hodi la’o tuir iha ita-nia moris. Ba razaun saida? ‘Na’i Maromak nia ema tenkesér adekuadu, ekipadu ba iha servisu di’ak sira hotu.’ Ó hakarak atu ó-nia moris sai efetivu liu ba iha Na’i Jesus Kristu? No karik ó hakarak duni, saida de’it mak ó halo tiha ona hodi prepara ó-nia an? Estudu Bíbliku mak meiu primáriu hodi sai atan ne’ebé mak efetivu ba Jesus Kritu. Laiha buat seluk mak bele foti ninia fatin! ~ SML

Hahán ba klamar: 1 Reis 17:17-24 ; Markus 5:21-43 ; João 11:1-45