‘Se Nia la kuriji ó, ne’e katak ó la’os Ninian.’ ~ Ebreu 12:8 CEV

Liafuan Ebreu nian ida ba iha teste mak ‘bachan’ no ida ne’e relativu ba iha liafuan tore observasaun nian. Ne’e kona-ba haree no observa ho matenek. Hasees tiha nosaun ida ne’ebé mak dehan katak Na’i Maromak la haree ó-nia terus sira. Iha kontráriu, Na’i Maromak totalmente haree ba ida ne’e. Nia haree nesesidade loron aban nian no, nune’e, uza ó-nia sirkunstánsia tomak hodi halo teste ba ohin loron nian. Será ke Na’i Maromak laiha autoridade hodi halo ida ne’e?

Nia mak oleiru; ita mak rai mean. Nia mak Bibi-atan; ita mak bibi sira. Nia mak to’os-na’in; ita mak sanak sira. Nia mak mestre; ita mak estudante sira. Fiar ba iha Ninia treinamentu. Ó sei pasa ida ne’e. No hanoin hetan katak, teste sira ne’e hotu temporáriu de’it. Sira limitadu iha durasaun.

Bíblia hateten, ‘Iha buat sira ne’e hotu ó haksolok, mezmuke agora daudaun ba iha tempu balun karik ó sei sofre tristeza iha tentasaun tomak.’ (1 Pedro 1:6 NIV) No ida ne’e buat seluk ne’ebé mak tenke tau iha hanoin: ó labele habadak ó-nia períodu teste nian, maibé ó bele hanaruk nia liuhusi sai orgullu no ulun-toos, reziste ba buat ne’ebé mak Na’i Maromak hakarak atu hanorin ba ó. Na’i Maromak sei la rejeita ó-nia opsaun ida ne’e, no Nia mós sei la proteje ó husi konsekuénsia sira husi opsaun ida ne’e nian. Ó sei la sai estudante primeiru ne’ebé mak presiza repete tan tinan ida iha eskola, no ó mós sei la sai ida ikus liu. Ó bele ba iha igreja iha loron domingu no uza ó-nia ibun hodi ko’alia kona-ba Na’i Maromak nia Liafuan; ó bele rejeita prinsípiu lia-loos nian no buka dalan sai ne’ebé mak fasil. Maibé ida ne’e sei la susesu.

‘Komprensaun ne’ebé mak di’ak manan sorte; maibé ema ne’ebé mak la fiél nia dalan difisil.’ (Proverbiu 13:15 NKJV) Halo buat ne’e tuir Na’i Maromak nia dalan, tamba ida ne’e mak dalan ida ne’ebé mak di’ak liu. Sempre. ~ SML

Hahán ba klamar: Jeremias 22-24 ; Lukas 3:1-10 ; Salmu 59:9-17 ; Proverbiu 14:23-24