‘Pedro sai husi ninia ró.’ ~ Mateus 14:29 NIV

Mateus hakerek, ‘No Pedro tun husi ninia bero, nia la’o iha be’e leten no hakbesik ba Jesus.’ Ohin loron, husu pergunta tolu ne’e ba ó-nia an:

  1. Saida mak ha’u-nia bero? Ida ne’e mak buat hotu ne’ebé mak fó sentimentu seguru bo’ot liu ba ó-nia an. Ida ne’e mak buat ne’ebé ó koko hodi tau ó-nia fiar ba nia, bainhira moris ne’e sai difisil. Atu hatene saida mak sai nu’udar ó-nia bero, husu ba ó-nia an, ‘Saida mak bele hamosu ta’uk ne’ebé mak bo’ot liu iha ha’u-nia laran, liuliu bainhira ha’u hanoin hodi husik nia ba kotuk no hakat ba oin ho fé?’
  2. Saida mak dada ha’u atu ha’u labele sai husi ha’u nia bero? Ta’uk. Ta’uk ba ema, ta’uk ba fallansu, ta’uk ba kritika, ta’uk ba falta. Atu sai bo’ot, ó tenke ba iha teritóriu ne’ebé foun, no kada tempu ne’ebé ó halo ida ne’e, ó sei sente ta’uk. Nia sei la ba fatin ida. Maibé kada tempu bainhira ó sai husi ó-nia bero, ó sai bele liu tan hodi halo iha tempu tuirmai, no ó komesa ona hodi rekoñese katak ta’uk laiha poder hodi sobu ó. Nune’e bainhira Jesus dehan ba ó, ‘Mai,’ komesa ona hodi la’o, Nia sei la husik ó mout.
  3. Saida mak ha’u sei lakon bainhira ha’u nafatin iha ha’u-nia bero laran? Ó-nia destinu. Atu atinje buat ne’ebé mak ó seidauk atinje, ó tenke koko buat ne’ebé mak ó seidauk koko. Karik ida ne’e sei iha risku? Jogadór baseball ne’ebé mak di’ak liu falla dala rua ba iha kada tentativa dala tolu. Maibé sira hatene katak se sira la sai mai liur, sira sei nunka esperiénsia ksolok hodi halo home run. Komprende ida ne’e: se ó nafatin iha ó-nia bero laran, neineik ó sei mate iha ne’ebá, no remata ho hanoin hodi buka hatene saida mak sei akontese ba ó-nia moris karik uluk ó hakarak sai husi ó-nia bero. ~ SML

Hahán ba klamar: Jeremias 28-30 ; Lukas 3:21-38 ; Salmu 95 ; Proverbiu 14:29-33