Ilustrasaun vasina corona AstraZeneca. (AFP/JOEL SAGET)
Jakarta, CNN Indonezia – Governu Reinu Unidu sei fo donasaun vasina corona ba Indonezia.
Deklarasaun ne’e hato’o husi Ministru Estranjeiru Reinu Unidu, Dominic Raab, bainhira hasoru malu ho Ministru Estranjeiru Indonezia Retno Marsudi durante enkontru ho Ministru Estranjeiru G20 iha Italia, Tersa (29/6).
“Kona ba kuantidade no tempu ami sei kontinua deskuti, “dehan Retno iha nia konferênsia imprensa virtual.
Aleinde planu ajudus vasina, Retno no Raab mos deskuti kompromissu Reinu Unidu hodi intesifikar no interasaun ho membru Associação das Nações do Sudeste Asiático (ASEAN).
“ Terseiru, ami deskuti preparasaun implementasaun COP26 iha nebe Reinu Unidu sai uma nain. Indonezia enfatiza (menekankan) katak kompromissu sira nebe fo akordu ho Paris Agreement importante atu implementa, inklui relasionadu ho disponibilidade adaptation fund, “ hateten Retno.
Retno hateten, cooperasaun Indonezia ho Reinu Unidu kontinua fortalese. Iha fulan Marsu liu ba, Retno hateten Primeiru Ministru Reinu Unidu, Boris Johnson, konversa liu husi telefone ho Prezidente Joko Widodo.
Fulan ida depois, Retno simu Raab iha Jakarta ba Forum Parceria RI-Reinu Unidu.
“ No agora, hau fila fali hasoru malu ho Ministru Estranjeiru Raab hodi kontinua insentivar progressu cooperasaun entre nasaun rua, “hateten Retno.
Aleinde Reinu Unidu, Japaun mos planu atu fo donasaun milhaun 1 vasina Covid-19 ba Indonezia.
Reuters relata katak Japaun sei kanaliza donasaun vasina fora husi esquema Covax nebe kordenadu husi Organizasaun Mundial da Saúde (OMS).
Liu husi meiu esquema entrega direita ne’e, Japaun sei fo donasaun milhaun 2 vasina corona produsaun AstraZeneca ba Taiwan. Sira mos sei fo mos donasaun dozes id aba Indonezia, Thailandia, Malaysia no Filipina. [mf]