‘Se mane ida jura juramentu ida ba NAI, ka nia promete promesa ida hodi kesi nia aan ho buat metin, nunee nia labele troka ninia lia fuan, maibee nia tenki halo tuir buat hotu nebee nia foo sai hosi ninia ibun. – (Número 30:2)

Durante fulan ba fulan Eric Liddell treinu ho nia fuan tomak atu manan kompetisaun maratona metru 100 iha Olímpiku 1924. Eskritór desportivu barak maka halo predisaun katak nia sei manan iha kompetisaun nee, maibé, Liddell hatene katak kompetisaun marotona metru 100 nee marka halai taru iha loron domingo. Nee hamosu problema boot ba nia, tamba nia la fiar katak nia bele foo glória ba Maromak iha Nai nia loron. Nia hasai aan husi kompetisaun nee, no Nia adeptu ka fens sira  hakfodak. Ema barak nebee uluksuporta nia wainhira manán, agora dehan nia beikten. Nia iha presaun boot tebes nia okos hodi troka nia hanoin, maibé nia hamrik metin ‘firmi’. Depois halai dór ida sai husi kompetisaun metru 400, nebee marka iha loron baibain, no ema oferese oportunidade ba Liddell hodi prenxe fatin mamuk nee. Ida nee tuir lolos laos nia ‘rasa’, distansia nee liu dala haat (4) husi distansia nebee mak durante nee nia badinas treinu.

Maske nunee, Nia hakat liu liña final no prodúz rejistu foun ho segundu 47.6 iha prosesu kompetisaun nee. Nia manán medalla osan mean Olímpiku, no hametin nia prinsipiu hodi la halakon nia fiar.

Nia istoria konta iha filme Academia Manán nain Award “Chariots of Fire”

Maibé Eric Liddell hetan rekonesimentu boot no famozu tebes, depois nia sai misionário iha China. Tempu neba nia mate iha funu akampamentu dadur nian iha tinan 1945.

Nia ema ida nebee laran moos, nebee jura ba Maromak ho kompromisu juramentu no la harahun nia promesa.

Lisaun nebee mai ho lian maka’as no klaru husi mane ida nee nia moris katak; ‘hamrik metin iha o nia Fé no Maromak sei onra o.’ [RO]

Hahan ba Klamar: Jer 33:1-36:26,  Lukas 4:14-30, Salmu 102:1-11, Pr 14:35-15:2