Keta husik ema ida hatun o tanba deit o sei joven. O tenki hatudu ezemplu diak ba sarani sira, liu hosi o nia koalia, o nia hahalok, o nia domin, o nia fiar, ho o nia laran moos. -(1Timóteo 4:12).
Timóteo parese ema primeiru nebee boot nudar ema kristaun. Iha otas nebee nurak tebes nia sai ona apóstolu. Maibé ema balu iha uma kreda uluk konsidera nia promosaun hodi sai lideransa wainhira sei joven, nee ladiak.
Maibé Paulo halo ida nee. Nia dehan ba Timóteo; “hanorin buat sira nee no insiste ema hotu hodi aprende. Keta husik ema ida hatuun o tanba deit o sei joven. O tenki hatudu ezemplu diak ba sarani sira, liu hosi o nia koalia, o nia hahalok, o nia domin, o nia fiar, ho o nia laran moos.
Fokus hodi lee eskritura iha igreja, fo aten brani ba ema fiar nain, no hanorin sira. Labele ignora don espirituál nebee o simu ona. Involve aan iha o nia knaar nunee ema sei haree o nia progresu.”
(1Timóteo 4:11-15) Sé mak dehan o sei foin-sa’e los hodi halo impaktu? La’ós Maromak. No la’ós istória.
Victor Hugo hakerek nia trajédia primeiru, irtamène ho idade 14. Rafael pinta nia dezeñu nebee furak tebes molok nia mate ho idade 37. Tennyson publika sai nia liafuan poezia primeiru, poema husi Maun alin nain Rua, ho idade 18. Paschal hakerek nia servisu boot sira entre idade 16 no 37. Joan Arc halao hotu nia servisu no sunu iha besi-riin ho idade 19. Romulus hetan rekonesimentu harii Roma ho idade 20. Calvin partisipa iha reformasaun ho idade 21 no hakerek institutu konesidu iha idade 27. Alexander great, konkista rai tomak entre mesir ‘ejitu’ no Índia iha tempu nebee nia idade 30. Isaac Newton konsidera ho idade 24 wainhira nia deskobre lei gravidade.
Fiar ba o nia xamada, tamba Maromak realiza. Dezenvolve o nia don no husu Maromak abensoa. Masimiza kada oportunidade ho didi’ak, no o sei halo mundu sai fatin nebee diak liu. [ROS]
Hahan ba klamar: Jer 36:27-40:16, Lukas 4:31-44, Salmu 102:12-17, Pr 15:3