Reprezentantes husi Industria Viajem halo manifestaun iha assaun ‘Day Travel Action’ fora husi Parlamento Britânico iha London, Inglaterra, iha loron 23 Junho de 2021.
Nasaun balun aplika lockdown limite viajem ba viajantes sira husi Reinu Unidu, iha transmisaun variante Delta husi virus corona nebe aumenta makas. Sientista sira hateten, mutasaun virus Delta daet lalais liu no agora daudaun pursentu 95 husi kazu foun iha Reinu Unidu.
Estadion Wembley London sai uma nain ba vitoria Inglaterra ho Alemanha iha Euro Copa Futebol, iha Tersa (29/6). Wembley mos simu responsabilidade atu sai uma nain ba seminfinal no final. Maibe Uniaun Europeia hakarak muda fatin ne’e.
“Tamba ema barak nebe nakonu hela estadion, ami preokupa teb-tebes ho variante Delta, “ hateten Vice-Chefe da Comissão Europeia Margaritis Schinas.
Preokupasaun ne’e reforsada husi dadus COVID husi Skotlandia nebe divulga iha Kuarta (30/6), nebe hatudu kuaze kazu rihun 2.000 foun nebe ligadu ho torcedores (penggemar) Futebol nebe viajem ba London iha 18 Junhu. [mf]