Hau sei foo kura ba sira nia hahalok nebee halo sira sees husi Hau, no Hau sei hadomi sira gratis deit. -“Ozéias 14:4”

Tempu meio-segundu iha jogu, ba deskansa no avalia. Ne’e tempu atu halo grupu foun hodi halo evaluasaun konabá lalaók jogu nian, no deside adaptasaun nebee presija ba jogu tuir mai. Dalabarak ekipa ida parese haree sira lakon iha faze primeiru, maibé too momentu nebee jogu ne’e remata, sira troka situasaun no manán. Depois apitu finál lian hatudu katak iha posibilidade atu hadau no manán jogu nee.

Hanesan loos ho moris. Sé ó nafatin iha ne’e, jogu moris nian seidauk hotu ba ó.  Ó nia relójiu sei dere nafatin. Ó sei iha moris nebee presija hala’o. La’ós nee deit, faze primeiru la determina rezultadu husi jogu. Dala ruma ó halo sala ona, esperiénsia frustradu no insusesu. Parese moris fo diresaun todan ba ó iha ne’e no iha ne’ebá. Maibé ó sei moris nafatin iha ne’e, enkuantu apitu seidauk huu, nunee seidauk tarde liu ba Maromak atu lori ó diretamente ba planu nebee Nia iha konabá ó.

Ó hatene, Maromak haree ba ó nia futuru maske inimigu koko ó hodi haree liu ba pasadu. Maromak dehan, “Ó bele, livre husi buat nebee ó halo tia ona!’ Maibé inimigu dehan, “Ó labele, tamba buat nebee ó halo tia ona.’

Maromak la define ó husi ó nia pasadu, enkuantu inimigu sei koko hodi kontrola, hanehan no uza pasadu hodi kontra ó.

Se ida ne’e di’ak, la di’ak, no denomissaun nebee aat iha faze primeiru, satanás nia objetivu maka hakarak kesi nafatin ó ho korenti. Maromak, iha parte seluk, hakarak ó aprende husi tempu pasadu no la’ós moris iha pasadu.

 

Hahan ba klamar: Isaias 53:2-12, Apos 8:26-40.