Ohin loron, hanoin didi’ak saida mak ó aprende tiha ona konabá Nai, liu husi esperiensia hamutuk ho Nia.
“Deuteronómio 11:2.”

Wainhira ó hare ema nebe’e esperiensia mate-besik “Agunia”, sira sei husik hela liamenon nebee iha folin tebes hodi hanoin. Moris nee fasil atu nakfera no murak.
Hau deside hodi passa tempu uitoan liu iha servisu no oassa tempu barak liu ho ferik-oan no familia. Hau iha kompaixaun foun ba ema, kompriensaun no preokupa liu. Hau koñese Nai ho maneira kle’an liu no riku, liu fali buat nebee hau hanoin posivel.
La’os husu tansá Maromak? Sira husu, saida mak ita boot hakarak ami aprende husi esperiensia ida nee? La’os tamba ita aprende neneik maibé, ita haluha lalais. Tan nee, Maromak koalia ba Nia povu, ohin loron, hanoin didi’ak saida mak ó aprende ona husi konabá Nai, liu husi esperiensia hamutuk ho Nia.
Nunee duké husu Maromak hodi halo di’ak ó nia situasaun susar sira, di’ak liu husu Nai Maromak atu uza situasaun susar sira nee hodi hadia ó sai di’ak liu tan.
Moris nee presija kursu ka aprende, nune’e ó sei koko hodi fo di’ak liu, atu bele passa. Maromak servisu dadaun iha ó nia moris se ó hatene ka lae. Nia la prontu hodi lori sofrimento no tristeza ba ema sé deit. (Lamentasaun 3:33). Maromak la haksolok iha ó Nia sofrimento maibé Nia haksolok ho ó nia dezenvolvimento. Maromak halo dadaun Nia servisu iha ó nia moris no hau fiar metin katak Nia sei Kontinua halo ida nee too remata.(Filipe 1:6) Maromak nunka falla. Tamba sá? Tamba Nia labele falla. Nia sei halo servisu iha ita nia laran konabá saida maka halo Nia laran kontenti.
(Ebreu 13:21). Kada dezafiu, boot ka ki’ik, prepara hela ba futuru nebee Maromak planu tiha ona ba ó. [RO]

Hahan ba klamar; Her 41-44, Lukas 5:1-11, Salmu 102:18-28, Pr 15:4-7