Profisionais médiku sira halo tratamentu pasientes iha tenda emerjensia nia laran, Domingo, 4 Julhu 2021.
Profisionais médiku sira halo tratamentu pasientes iha tenda emerjensia nebe hari’I hodi rezolve kazu aumenta Covid-19 iha RSUP Dr. Sardjito, Jogjakarta, Domingo, loron 4 Julhu 2021.
Governu, Domingo (4/7), husu ba produtores oxijenio hodi fo prioridade ba nescesidade médiku iha situasaun nebe pasiente sira ezizi oxijenio. Medidas ne’e foti tamba hare ba ema 60 nebe mate iha ospital ida tamba suprimentu (pasokan) oxijenio hotu.
Indonezia luta hela kontra surtu coronavirus nebe pior iha Asia, rejistu 27.913 kazu infkesaun iha loron Sábadu (3/7/21).
iha komunikasaun, RSUP Dr. Sardjito iha Jogjakarta hateten, pasiente 63 mate tamba falta oxijenio entre loron Sábadu (3/7) no Domingo dader (4/7) bainhira suprimentu oxijenio foun foin to’o.
Krize oxijeniu, pasiente 63 mate iha RSUP Dr. Sardjito no porta-voz ida seidauk bele konfirma se vitimas sira ne’e hotu mate tamba Covid-19.
Siti Nadia Tarmizi, Diretora de Prevenção e Controle de Doenças Infecciosas do Ministério da Saúde, hateten hanesan follow-up ida, Governu husu industria gás atu aumenta produsaun oxijenio médiku.
RSUP Dr. Sardjito ne’e hateten katak durante loron hirak molok insidente ne’e, sira nia parte esforsu makas ona hodi buka suprimentu oxijenio. Maibe pasiente sira nebe mai nakonu iha ospital desde loron Sexta (2/7) ne’e, halo ospital (médiku) kolen no uza oxijeniu hotu lalais latuir ami nia hanoin.
Krize ne’e menus hafoin ospital komesa simu fila fali suprimentu oxijeniu, antes Domingo (4/7) madrugada. [mf]