Ilustrasaun vasinasaun Covid-19 iha India. (AP/Dar Yasin)
Jakarta, CNN Indonezia – Kuaze sidadaun rihun 2.500 iha India mak sai vitima ba lohi, hafoin simu vasina Covid-19 falsu nebe ense ho be’e masin.
Parte autoridade relata, pelu menus iha postu vasinasaun 12 mak halo operasaun iha Mumbai no área vizinha iha nasaun parte Maharashtra. Doutor no pessoal médiku sira nebe inklui iha laran detidu ona husi polisia.
“Sira uza be’e masin no sona ba ema. Iha akapamentu vasinasaun falsu hotu, sira hotu iha no sira halo ida ne’e, hateten ofisial senior Departamentu Polisia nian iha Mumbai, Vishal Thakur, iha Segunda (5/7).
Autor sira ne’e, nebe sai hanesan organizadores ba postu vasinasaun falsu ne’e kobra kustu ba ema sira ba kada injeksaun (suntikan) vasina.
Parte autoridade hateten katak to’o agora, grupu vasinasaun falsu ne’e, hetan osan kuaze US$28 mil ou Rp405,8 milhaun.
Até a data, parte autoridade kaer tiha ona suspeitu 14. Suspeitu sira ne’e hetan akuzasaun lohi ema, tenta homisidiu (pembunuhan), konspirasaun krominizu, no sei iha tan akuzasaun sira seluk.
“Ami kaer ona Doutor balun. Sira uza ospital nebe produz sertifikadu falsu, fraskus, no seringas falsu, “hateten Thakur.
Bazeia ba reportajen afiliada CNN, CNN-News18, postu vasinasaun sanolu resin ne’e halo ona operasaun durante fulan Maio nia ikus no inisiu Junhu. Parte autoridade komesa investiga hafoin vitima balun deskonfia ho sertifikadu vasinasaun nebe sira simu. Maske nune’e, to’o agora laiha vitima ida mak akontese sintomas ruma husi vasina falsu refere. [mf]