Ilustrasaun. (Reuters/Dado Ruvic)
Jakarta, CNN Indonezia – Governu Singapura la rekonhese vasina Covid-19 produsaun husi empreza China, iha programa vasinasaun nasional.
Ministério Saúde Singapura afirma katak ho desijaun ida ne’e, sidadaun sira nebe hetan ona vasinasaun husi Sinovac la konsidera iha dadus kontagem vasinasaun nasional.
“Numeru vasinasaun nasional so hatudu deit sira nebe vasina iha programa vasinasaun nasional, “ deklara Ministério Saúde Singapura, Kuarta (7/6).
Ho nune’e, Singapura so konta deit sidadaun nebe hetan ona vasinasaun uza vasina Moderna ho Pfizer-Biontech/Cominarty.
Bazeia ba dataourworldindata.org, to’o agora ema milhaun 3,7 husi total milhaun 5,9 populasaun Singapura pelu menus simu ona primeira dozes vasina Covid-19 ou Moderna. No kuaze milhaun 2,16 ou 37,8 husi total populasaun Singapura mos simu ona vasinasaun kompletu.
Singapura depende deit ba vasina rua produsaun Estados Unidos nian, tamba bazeia ba teste klinka,nivel efikasia ultrapassa 90%.
Enkuantu ne’e, Sinovac hatudu nivel efikasia menus liu, entre 50,4% to’o 90%. Maibe to’o agora ema rihun 170 populasaun Singapura mak simu ona primeira dozes vasina Sinovac.
To’o agora, Singapura sei hein hela dadus importante balun husi Sinovac ligadu ho vasina CoronaVac. Portantu, nasaun neba la hatama Sinovac iha programa vasinasaun nasional.
Maske nune’e, Singapura nafatin permite ba uza nain vasina Sinovac tuir permisaun Organizasaun Mundial Saúde (OMS) ba uza emerjensia vasina nasaun Cortina Bambu refere.
Hanesan cita husi Reuters, Singapura fo lisensa ba sira nebe uza ona vasina Sinovac husi Instituisaun Saúde hanesan ospital no klinika privadu ho assesu especial. Sira bele aproveita estoque rihun 200 dozes vasina nebe atualmente disponivel. [mf]