‘Maromak nia paz sei kuidadu imi nia fuan no imi nia hanoin’ (Filipe 4:7)

Liafuan Preokupa ho LianYunani dehan katak ‘fahe hanoin’. Preokupasaun hafahe o ba rua; tuir lolos o nafatin hanoin Maromak nia promesa, maibe o fokus ba o nia problema. Preokupasaun hanesan kadeira roda nebee bokan ba mai- nia fo buat ruma ba o hodi halo maibe sei la lori o ba mai, o so iha fatin deit. Matenek nain sira fo solusaun ba o husi difikuldade loron aban nian, maibe sei hadau o nia forsa loron ohin nian- no o la konsege lakon o nia forsa.

Tan nee, oisa mak o bele para hodi labele preokupa tan? Biblia iha resposta fahe ba parte rua: Maromak nia parte, no ita nia parte. Ita nia parte mak inklui orasaun no agradese: ‘labele preokupa ba buat ida; maibe halo orasaun ba buat hotu. Fo sai ba maromak saida mak o presija, no agradese ba buat hotu nebee Nia halo tiha ona ba o.’ (Filipe 4:6) atu o labele preokupa demais o tenke halo orasaun barak no keta haluha hodi agradese ba Nai. O bele ba too iha Maromak ho fiar aan tomak ba asuntu seluk tuir mai, se bainhira o foti ona tempu hodi agradese ba Nia iha buat sira nebee liu ona. No saida mak Maromak nia Parte? ‘kuando o halo nunee maka o sei iha esperiensia konaba paz Maromak nian, nebee furak liu fali kompara labele ho ema nia hanoin hodi komprende. Nia paz sei kuidadu o nia hanoin no o nia fuan, no sei sente hakmatek , paz nebee Nai fo lahanesan ho mundu nee fo.’ (Filipe 4:7) atensaun didiak ba liafuan nebee dehan, ‘o sei simu dame husi Maromak’, imajina tok se Maromak nia hanoin nakonu ho dame! Serake o hanoin katak Maromak funu ho nia hanoin rasik? ou kaer Nia liman no husu hanorin husi anju sira? O nia problema la boot liu Maromak. Nia enjoi dame nebee perfeitu tamba nia enjoi poder nebee perfeitu- no nia oferese dame ba o. Bainhira o halo o nia parte liu husi orasaun no agradese ba Nia, nunee o sei simu dame nebee nakonu iha o nia hanoin. [HG]

Hahan ba Klamar: Atus 3:11-5:42, Lukas 6:37-49, Salmu 109:16-31, Proverbiu 15:23-26