Ilustrasaun. (iStock/Kesu01)
Jakarta, CNN Indonezia – Ema 41 mate tamba insendiu (ahi han) iha sala izolamentu pasiente Covid-19 iha ospital Nasiriyah, Irak, iha Segunda-feira (12/7) oras local. Ministeriu Interior Iran hateten katak insendiu ne’e hahu husi sala temporaria iha edifisiu nia sorin. Maibe, sira la espesifiku kauza husi ahi han ne’e. Ofisial saúde Irak, Haydar al-Zamili hateten ba AFP katak agora daudaun, sei iha vitima barak mak iha hela sala izolamentu nebe akontese insendiu ne’e.
“ Vitima sira mate tamba ahi han sira no prosessu hodi buka mate isin sei kontinua,” nia hateten.
To’o agora, foin mak hetan ema 16. Ahi sira ne’e mos seidauk mate total. Maske kauza husi insidente refere seidauk hatene, publiku Irak expressa sira nia hirus iha média social no husu atu ofisiais sira nebe responsavel para rezigna an.
Ida ne’e laos foin dala ida, ospital atende pasiente Covid-19 iha Irak nebe ahi han. Iha fulan Abril liu ba, insendiu ne’e mos akontese iha ospital Covid-19 ia Baghdad nebe hamate ema 82 no hakanek ema 100. Bazeia ba deklarasaun polisia, ahi han hahu husi explozaun silindru oxijeniu nebe koloka la tuir regulamentu. Maioria vitima pasiente nebe uza hela respiratoriu. Insendiu nebe provoka publiku nia hirus no halo Ministru Saúde Irak, Hassan al-Tamimi atu rezigna an momentu neba. [mf]