Roy Trivedy, reprezentante ONU iha Timor-Leste, (foto: Andre Gusmão/Ravoz)

Ministru Agrikultura no peska Pedro dos Reis, iha okaziaun dialogu nasional simeira sistema ai-han 2021  iha salaun City 8 Tersa semana ne’e ba jornalista sira hateten,

Timor Leste infrenta problemas barak nebe sai obstákuku atu atinji nivel siguransa aihan diak. Problema hirak nebe sai obstákulu maka menus irigasaun no menus bé nebe presiza rezolve. Ministru Agrikultura Pedro dos Reis propoin sistema frutivasaun halae natar dala rua kada tinan atu multiplika volume produsaun hodi atinji nivel siguransa aihan   adekuadu balansu ho númeru populasaun   1.300.000.   Ministeriu Agrikultura propoin ona iha orsamentu estadu 2021 nian atu halo manutensaun ba irigasaun 8 no planeia aumenta kuantidade irigasaun no bé iha munisipiu hotu hodi multiplika volume produsaun be nivel siguransa aihan adekuadu no saudavel. Timor Leste presiza tulun husi parseiru internasionais hodi rezolve problema hirak nebe sai obstákulu ba dezenvolvimentu  produsaun aihan iha rai laran hodi atinji nivel siguransa aihan forte.

Reprezentante Nasoins Unidas iha Timor Leste DR. Roy Trivedy ba Radio Voz hateten, Timor Leste asumi problema aserka 60%  populasaun laiha seguransa rezerva nebe presiza rezolve hodi alkansa nivel   persentazen máximu populasaun  iha rezerva.

Aihan seguru no saudavel. ONU anota Timor Leste menus produsaun aihan iha rai laran no sadere ba aihan importasaun 60% hosi rai liur, tanba ne ONU husu Timor Leste hadia produsaun rai laran hodi redús ka hamenus 60% aihan importasaun.

Roy Trivedy haktuir,  ONU suporta Governu liu husi elabora hamutuk ideia hodi fortalese seguransa aihan Timor Leste.

Iha nivel global ONU rekoinese Timor Leste iha komitimentu forte nebe kontribui ba hadia produsaun aihan iha kontestu global mundu nian. ONU mos alerta Timor Leste atu antisipa no prepara an diak garante povu hotu iha rezerva aihan hodi infrenta mundansa klimátika global nebe implika menus produsaun aihan ba  nasaun hotu iha mundu tomak. [ag]