‘Bainhira sira lao liu husi rai fuik maran triste nian, ida nee sei sai bee matan ida nebee fresku… sira sei sai boot no forti liu tan.’ (Salmu 84:6)

Karik o moris no boot iha komunidade ida nebee iha costume ida, bainhira iha espresaun ba emosaun saida deit konsidera ida nee hatudu ita fraku, o presija aprende katak bainhira o triste ba buat nebee lakon ida nee prosesu ida nebee saudavel – no prosesu ida nebee tuir Biblia. Biblia hateten ‘Bainhira sira lao liu husi rai fuik maran triste nian, ida nee sei sai bee matan ida nebee fresku… sira sei sai boot no forti liu tan.’ (Salmu 84:6)

Atensaun didiak, bain hira o nia forsa mai husi Maromak, o sei konsege lao liu husi ‘Rai fuik maran triste ninian’ no sai forti liu tan. Durasaun tempo nebee ita gasta iha rai fuik maran ida nee dalaruma oi-oin, maibe iha tempu mos ita tenke simu vontade Maromak nian no hakat ba oin.

Dala barak sempre iha supreja konaba ema nebee ita hadomi tebes husik hela ita (mate), maibe Nai Maromak la husik ita. David hatete: ‘Molok hau moris mai, O konhese ona hau. Hau nia loron-loron moris nia hakrek iha O nia livru. Tempu hotu iha hau nia moris O planeja ona ho furak molok loron ida nee liu.’ (Salmu 139:16) No koko tok tuir o nia gostu, laiha buat ida nebee o bele halo hodi muda.

Tuir lolos, ita labele ‘Triste… hanesan ema sira nebee laiha esperansa.’ (1Tesalonika 4:13) Loron ida ita sei hasoru malu fila fali ho ema sira nebee ita hadomi nebee hetan salvasaun ona iha Maromak Nia presensa. Ita sei la fahe malu tan ona. Fahe malu agora ‘maibe sei hasoru malu fali.

Alem de ida nee, se karik o presija ajuda ruma, labele moe hodi hetan saida mak o presija. Hanoin didiak: ‘irmaun ida iha hodi tulun malu iha situasaun difisil’. (Proverbiu 17:17) Husu ba Nai Maromak atu diriji o ba iha belun ida nebee bele ajuda o, bele sai parseiru ida ba o, bele sai konseleiru ida ou grupo ida nebee bele suporta o no lori o ba iha dalan nebee o presija. Fo valor ba lembransa husi ema nebee o hadomi, maibe, o presija avansa ba oin nafatin hodi hetan buat nebee o mehi no simu bensaun nebee Maromak prepara ba o. (HG)

Ai-han Esperitual: Atus 6-7, Lukas 7:1-10, Salmu 118:1-9, Proverbiu 15:27-30