Autoridade Cuba prende manifestante kuaze 144, inklui jornalista no manifestante iha aksaun protesta anti-governu loron hirak liu ba. (AFP/Yamil Lage)
Jakarta, CNN Indonezia – Autoridade polisia Cuba prende manifestante kuaze 144, inklui jornalista no manifestante iha aksaun protesta anti-governu loron hirak liu ba. Grupu movimentu San Isidro fo sai naran manifestante 144 nebe detidu, liu husi Twitter iha Segunda (12/7). Informasaun katak ema atus ida lakon, hafoin tuir demonstrasaun loron ida liu ba. Naran hirak nebe divulga husi San Isidro refere, inklui ativistas Guillermo Farinas, ex-prezu politika Jose Daniel Ferrer, no artista Luis Manuel Otero Alcantara. Iha mos diretor teatro Junior Garcia, nebe sai hanesan mos lider movimentu 27N. movimentu ne’e hahu hafoin halo protesta ba trabalhador arte iha tinan kotuk. Maibe, Garcia sai ona husi komarka iha Segunda.
Hafoin livre, Garcia konta katak ema hirak ne’e sira kaer, baku no obriga hatama iha truk laran, depois lori ba prizaun ida iha Havana. “Sira halo ami hanesan lixu, “hateten Garcia. Ema atus ida ne’e tun ba iha dalan hodi ezizi prezidente Miguel Diaz Canel hodi rezigna an, tamba konsidera incompetente (la becus) hodi atende pandemia Covid-19. Aksaun ne’e aponta hanesan manifestasaun bo’ot iha Cuba desde 1994. Maibe aksaun ne’e remata hafoin polisia mai hodi duni ema barak. Liu loron ida, manisfestante sira fila fali halibur iha Havana no hakilar slogan-slogan anti-governu, ou sobu komunista no abandona ditadura!
Aleinde manifestante, autoridade Cuba prende mos jornalista balun, inklui Camila Acosta, korespondente ba diariu Espanhol, ABC. Ministerio Estranjeiru Espanhol husu hodi Cuba respeita direitu manifestasaun no ezizi autoridade atu fo livre Acosta.
Aleinde Espanhol, Estados Unidos mos destaka detensaun ne’e. secretária de Estado adjunta ba Assuntos Hemisfério Ocidental EUA, Julie Chung, hateten katak manifestante refere so kanaliza sira nia aspirasaun. Nia mos ezizi Cuba atu husik manifestante sira. “Violensia no detensaun hasoru manifestante Cuba no halakon ativistas indepente fo Hanoin ita katak sidadaun Cuba tenki selu folin karun ba liberdade no honra. Ami ezizi sira nia libertasaun imediata, “ deklara Chung, hanesan cita husi AFP. [mf]