[Anju Maromak nian] No mane ida mai deut malu ho Jaco too loro matan sae’ (Genesis 32:24)

Tamba saida Maromak husik ema ida deut malu ho Nia? Tamba deut malu nee presija kontakto (isin kona malu) besik. Jaco mane ida nebee independente no ho attitude ida nebee independente hodi dehan: ‘Hau la presija ema ruma alem de hau nia aan rasik.’

Gasta tempu hira hodi Maromak deut malu ho o? so deit ho tempu nebee limitadu. Iha jaco nia kasu ‘Too loro matan sae’. Maromak hatene katak se karik Jaco la hakruuk ba Nia iha kalan nebaa, iha Jaco nia restu moris nian sei la laoho diak.

Iha lisaun importante husi historia ida nee ba ita hotu. Labele demora tan ona; karik o nia tempu sei hotu. Molok o lakon o nia integridade, ou o nia familia no o nia future, para no persebe katak Maromak hatene buat nebee o la hatene. Nia hatene tempu saida maka o nia inimigo mai hodi ataka o, no bainhira mak mate sei mai hodi halo protest ba o. karik Maromak luta ho o, ida nee hodi hatudu katak durante nee o estraga o nia moris ho buat nebee la diak no o abandona o nia familia, ou hodi hatudu ba o katak o laos sentru husi rai ida nee. Ou Nia haruka o atu kaer metin nafatin o nia kasamentu ida nee no labele desiste. Ou dudu o hodi mantein nafatin o nia servisu no labele para. Ou atu nafatin metin no envolve aan nafatin iha konggregasaun ida nee.

Nai Maromak sei luta nafatin ho o too o para hodi fo razaun no rekonnese lia loos. Nai la taka buat ida ba o, maibe Nai sempre entrega buat hotu ba o. Maromak lakoi o liu ho buat nebee rasta husi tempu passadu! Faktos mak, Nai Maromak pronto hodi deut malu ho o atu halo o haraikan tamba Nia iha buat nebee furak no boot ba o. Loos, buat nebee iha Maromak nia hanoin boot liu buat nebee o imagina durante nee iha o nia hanoin no o nia kakutak. Tan nunee mak Maromak luta ho o. (HG)

Hahan ba klamar: Atus 8-9, Lukas 7:11-23, Salmu 118:10-18, Proverbiu 15:31-32