DR. Filipe da Costa
Kordenador Gabineti Primeiru Ministru apoiu sosiedade civil, no kordenador movimentu nutrisaun Timor-Leste.
Kordenador Gabineti Primeiru Ministru apoiu sosiedade civil, no organizador movimentu nutrisaun Timor Leste DR. Filipe da Costa, iha okaziaun dialogu nasional simeira sistema ai-han 2021 iha salaun City 8 tersa semana ne’e ba jornalista sira hateten, dialogu nasional simeira sistema ai-han 2021 diskuti tópiku fundamental hat nebe koalia kona ba sistema ai-han Timor Leste hahú hosi produsaun to’o karakter konsumu, kona ba nutrisaun liga ba cresementu fíziku ema ligadu ho labarik sira nebe isin krekas, koalia sobre existensia kolegasaun merenda eskolar Timor Leste ho nasaun sira seluk atu kontinua lao nafatin.
DR. Filipe esplika, Timor Leste nia situasaun real nebe implika menus produsaun rai laran maka sistema ai-han produsaun mínimu, problema iha rekursus naturais no rekursus financeirus hodi investe ba seitor agrikultura atu bele hasa’e produsaun rai laran. Timor Leste asumi problema iha sistema asesu distribuisoins nebe 36% populasaun hela iha insiguransa ai-han grave, 24 % populasaun menus nutrisaun, 36% populasaun hela linya insiguransa ai-han grave nebe tenke redús ba zero, no liu 40% ema rais badak nebe tenke redús ba pelomenus 25%. Hirak ne’e nudar sitasaun real nebe durante periodu to’o tinan 2030 tenke rezolve hodi hasai Timor Leste husi títulu insiguransa ai-han ga hamlaha. [Ag]