‘Maromak restaura nia (Job) riku-soin’ (Job 42:10)

Iha kompositor estiritual boot ida ninia buku moris nian, Patrict Kavanagh esplika konaba ninia servisu musical Handel, Mesias. Kompositor ida nebee la espera, George Frideric Handel gasta ninia servisu boot balun nebee tun sae, muda husi problema id aba fali problema seluk. Iha momentu nebaa nia hatete katak, lakon buat hotu nee laos eskolla ida, no iha tinan 1741, Handel mout iha joga ida. Se laos tamba MILAGRE, prisaun mak sei sai nia fatin. Nia deside hodi halo konsertu despedida no aposentou ho falla boot ida iha ninia tinan 56. Maibe iha tempu nebee nia kolega ida fo ba nia liafuan musical ninian konaba Nain Jesus nia moris fundus husi livru santu nebee foti husi Biblia, iha momentu nee kedas buat hotu muda.

Handel fokus ho hakerek no kompous, no buat ida nebee admiravel teb-tebes mak nia bele remata trofe primeiru iha loron neen nia laran deit, trofe segundu iha loron sia nia laran, no ikus liu iha loron tolu. Nia halo servisu ho ansi liu, suporta husi objetivu ida nebee furak liu. ajudante sira so husik deit ninia hahan iha odamatan tamba sira tauk trapalha ninia servisu. Iha tempu ida, ajudante koko hodi brani atu loke odamatan, kompositor hakfodak no hakilar I nia matan nakonu ho matan been no sulin iha nia oin, ‘Hau hanoin hau hare lalehan iha hau nia oin, no Maromak Forsa nain nee rasik!’ Nia foin mak remata ‘koral Haleluia’ nebee too agora ema barak selebra.

Tebes duni, mai ita fila fali ba Historia: Biblia nakonu ho ema poderoso sira nia historia! Kapitulu 41 iha Biblia deenha konaba buat nebee Job lakon husi nia, Nia saude, nia riku-soin, no mos nia familia. No iha kapitulu ikus konta konaba, ‘Maromak restaura Job nia rikusoin… Maromak fo bensaun dobradu ba Job nia moris liu fali buat nebee nia iha uluk.’ (Job 42:10-12).

No buat nebee Maromak halo ba George Frideric Handel, no Job, Nia mos bele halo hanesan nee iha o nia moris bainhira o entrega o nia moris iha Nai nia liman. (HG)

 

Hahan ba klamar: Atus 20-21, Lukas 8:40-56, Salmu 14, Proverbius 16:6-7

 

PEDIDU

Suporta Programa The Word For Today / Liafuan ba Loron ohin para bele kontinua ba tinan oin. Suporta liu husi Oferta ba Radio Voz liu husi Konta Banku Mandiri : 601-00-0035354-3 ho nia IBAN: TL38 0050 6010 0003 5354 368 Swift kode : BMRIIDJA. Bele mos oferese oferta diretamente ba studio Radio Voz / bele kontaktu +670 76644000. Imi nia suporta bele haluan tan Maromak Nia obra.