‘Ba Nia ida nebee Manan nain’ (Apokalipse 2:7)
La iha ida nebee makaas liu too nia bele halo buat ruma. Apostolu Paulo hakerek, ‘Tamba… Odamatan ida boot nakloke ona mai hau.’ (1Korintus 19:6) Odamatan oportunidade sira nebee boot mai ho desafio nebee boot mos, desafio sira nee sei mai hodi halo o nia fiar nakdoko. Se karik susecu nebee boot mai ho fasil, ema hotu sei hetan susecu ida nee. Maibe se ema hotu iha susecu ida nee, maka laos tan hanaran susesu nebee boot no makaas.
Oinsa mak ular ida boot no sai Borboleta? Liu husi kuidadu nia bolsu/saculo (Kepompong). Sera ke fasil liu hodi nafatin seguru iha saculo (kepompong)? Loron hira nia laran hakaas aan teb-tebes too ular (lagarta) provavelmente hanoin nunee. Maibe folin husi Liberdade, halai, no deskobre, mak luta, desenvolvimento, no deskobre. Laiha dalan seluk tan. Tamba saida mak Nain Jesus haruka ninia disiplu sira ba iha tasi Galileia nia klaran? Atu hanorin sira hodi tau fiar ba Nia iha situasaun hotu iha sira nia moris. La kleur tan Nia sei husik hela sira, tan nee nia uza esperiensia nebee la hanesan atu treina sira, atu nunee sira bele pronto iha tempu future.
Saida mak o koko ona hodi halo iha ohin loron ida nee? Emvez de ita reklama ou husu Maromak atu hafoun, koko hodi hare katak ida nee hanesan preparasaun ida nebee Maromak uja hodi bolu o atu halo saida mak nia husu. Lee Maromak nia liafuan ida nee:
‘Nia nebee manaan Hau sei foo direitu ba nia para bele haan ai-fuan nebee mak lori nia ba moris rohan laek.’ (Apokalipse 2:7)
‘Haksolok ba ema nebee aguenta iha provasaun nia laran.’ (Tiagu 1:12)
‘Haksolok ba sira nebee hetan terus tamba mori iha lia-loos, sira hetan bensaun tamba sira nee Maromak nia ema.’ (Mateus 5:10)
‘Keta husik buat aat manana imi. Maibe halo bebeik buat diak, atu imi bele manaan buat aat.’ (Roma 12:21)
‘Imi tenke uza ekipamentu funu nian kompletu nebee Maromak fo ba imi, para imi bele hamriik metin nafatin hodi hasoru diabu nia manobra.’ (Efesus 6:11)
Loron ida nee, o hetan samadu hodi sai ema nebee manan-dor. (HG)
Ai-han Esperitual: Atus 22-23, Lukas 9:1-17, Salmu 65, Proverbiu 16:8-9
PEDIDU
Suporta Programa The Word For Today / Liafuan ba Loron ohin para bele kontinua ba tinan oin. Suporta liu husi Oferta ba Radio Voz liu husi Konta Banku Mandiri : 601-00-0035354-3 ho nia IBAN: TL38 0050 6010 0003 5354 368 Swift kode : BMRIIDJA. Bele mos oferese oferta diretamente ba studio Radio Voz / bele kontaktu +670 76644000. Imi nia suporta bele haluan tan Maromak Nia obra.